"Месца правядзення вучэнняў было далёка не самае звычайнае. Экатэхнапарк SkyWay - гэта інавацыйны праект па стварэнні дзеючага прамысловага ўзору новага віду глабальнай транспартнай сістэмы SkyWay. У яе аснове струнныя тэхналогіі, якія дазваляюць арганізоўваць перавозку грузаў і пасажыраў над зямлёй пры дапамозе падвесных рэек, устаноўленых на апорах", - расказалі ў МНС.
Згодна з легендай, у выніку рамонтных работ адбылося ўзгаранне на трэцім паверсе. У пастцы апынуўся чалавек. Мужчына не змог эвакуіравацца, яму спатрэбілася дапамога. Таксама пажар прывёў да аварыйнага спынення юнібайка на лініі, унутры быў заблакіраваны чалавек.
"Ратавальнікі правялі баявое разгортванне, затым знайшлі і эвакуіравалі чалавека на трэцім паверсе адміністрацыйнага будынка і падалі лафетны ствол на тушэнне пажару. Каб выратаваць чалавека з юнібайка, работнікі МНС разгарнулі "Куб жыцця", - адзначылі ў МНС.
Завяршыліся вучэнні аналізам дзеянняў ратавальнікаў і работнікаў аб'екта па рэагаванні на няштатную сітуацыю.
Крыніца: minsk-region.gov.by