З часам гэта машына прыйдзе на змену пагрузчыкам серыі БЕЛАЗ-7822, выпуск якіх прадаўжаецца з 1997 года.
"У канструкцыі машыны выкарыстаны арыгінальныя кампановачныя рашэнні для паляпшэння асноўных паказчыкаў работы. Рэалізаваны лёгкі доступ да асноўных пунктаў абслугоўвання. Устаноўлены дызель магутнасцю 575 л.с. Прыменена новая гідрамеханічная перадача (ГМП) з чатырма перадачамі пярэдняга ходу і чатырма задняга ходу. Для кантролю стану ГМП устаноўлена сістэма дыягностыкі і аховы. Опцыя прызначана для дыягностыкі работы трансмісіі, выяўлення крытычных памылак з вывядзеннем інфармацыі на манітор у кабіне аператара", - расказалі ў прэс-службе.
Кабіна спраектавана для максімальна зручнай работы. "Вялікая зона шклення забяспечвае выдатны агляд. Сістэма бяспекі ROPS і FOPS гарманічна інтэгравана ў канструкцыю кабіны. Кіраванне рабочым абсталяваннем пагрузчыка ажыццяўляецца пры дапамозе джойсцікаў і інтэгравана з сістэмай аўтаматычнага пазіцыянавання, што забяспечвае пад'ём каўша на загадзя запраграмаваную вышыню і апусканне ў становішча ўразання ў грунт, што аблягчае работу аператара", - падкрэслілі на прадпрыемстве.
Таксама ўстаноўлена сістэма ўзважвання, інфармацыя аб якой адлюстроўваецца на электроннай панэлі нараўне з астатнімі важнымі данымі па рабоце пагрузчыка і яго сістэм.
Як адзначылі ў прэс-службе, БЕЛАЗ-78241 прызначаны для работы з кар'ернымі машынамі грузападымальнасцю да 60 т.
ААТ "БЕЛАЗ" - кіруючая кампанія холдынга "БЕЛАЗ-Холдынг" - найбуйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы вялікі ў свеце кар'ерны самазвал грузападымальнасцю 450 т.
Крыніца: minsk-region.gov.by
