Будаўніцтва моста на чыгуначным пераездзе мясцовыя жыхары чакаюць даўно, пытанне неаднаразова ўздымалася на розных узроўнях. Штодзень людзі вымушаны стаяць у пробках на перагоне, прапускаючы паязды. Праблема асабліва вострая раніцай і ўвечары, калі людзі едуць на работу і вяртаюцца дадому.
"Праект моста гатовы. Аб'ект пачалі ўзводзіць, была праведзена частка зямельных работ (вытарфоўка і насып), але будаўніцтва было прыпынена з-за недахопу фінансаў. Разам з тым у снежні ў Калодзішчах прайшла сустрэча мясцовага актыву са старшынёй Пастаяннай камісіі па заканадаўстве і дзяржаўным будаўніцтве Савета Рэспублікі Сяргеем Сіўцом. На сустрэчы ўзнялі тэму будаўніцтва моста. Нам паведамілі, што ён уключаны ў праграму будаўніцтва. Тэрміны рэалізацыі праекта прыпадаюць на 2022-2024 гады", - расказаў Рыгор Зельманчук.
Будаўніцтва моста праводзіцца за кошт сродкаў абласнога бюджэту. У бліжэйшых планах - устаноўка на аб'екце маставых паляў.
Крыніца: minsk-region.gov.by
