Праведзена насычаная дзелавая праграма, у ходзе якой удзельнікі абмяняліся меркаваннямі аб сітуацыі на рынку, падзяліліся вопытам, абмеркавалі актуальныя пытанні галіны і далейшую работу.
У час выстаўкі прайшлі перагаворы з асноўнымі спажыўцамі прадукцыі БЕЛАЗа ў Расіі - Усходняй горнаруднай кампаніяй, "Рускаштметам", Азёрным горна-абагачальным камбінатам, горнаруднай кампаніяй "Алатау".
"Прадстаўнікі БЕЛАЗа азнаёмілі наведвальнікаў стэнда з мадэльнай лінейкай кар'ернай тэхнікі, прадставілі рашэнні для горназдабыўной прамысловасці, якія дапамагаюць спажыўцам павышаць прадукцыйнасць і бяспечнасць работ. Так, прадэманстраваны перспектыўныя напрамкі ў рэчышчы сусветных тэндэнцый па выкарыстанні альтэрнатыўных крыніц энергіі ў кар'ернай тэхніцы: самазвалы на акумулятарных батарэях, дызель-тралейвозы, рабатызаваны комплекс", - расказалі ў прэс-службе.
ААТ "БЕЛАЗ" - кіруючая кампанія холдынга "БЕЛАЗ-Холдынг" - буйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці. Займае каля 30 працэнтаў сусветнага рынку кар'ерных самазвалаў асабліва вялікай грузападымальнасці. Вырабляе самы буйны ў свеце кар'ерны самазвал грузападымальнасцю 450 т.
Крыніца: minsk-region.gov.by