Вынікі працы жыллёва-камунальнай гаспадаркі Мінскай вобласці падвялі 8 снежня ў аблвыканкаме. З пачатку года ў цэнтральным рэгіёне адрамантавана каля ста дваровых тэрыторый, уведзена ў эксплуатацыю 21 станцыя абезжалезвання, заменена 80 кіламетраў цепласетак. Нягледзячы на тое што жыхары Мінскай вобласці сталі менш скардзіцца на якасць жыллёва-камунальных паслуг, гэтая сфера патрабуе значнага ўдасканалення. На кантролі і работа са зваротамі грамадзян. Акумуляваць бытавыя заяўкі і просьбы дапамагае служба 115.
Акрамя таго, на пасяджэнні абмеркавалі пытанні грамадскай бяспекі. Асаблівая ўвага надавалася паводзінам людзей каля вадаёмаў. Узгадалі і нядаўні інцыдэнт у Смалявічах, калі за адзін дзень пад лёд праваліліся адразу два рыбакі. Нагадаем, у Мінскай вобласці яшчэ забаронена выходзіць на лёд.
tvr.by