27 самазвалаў для разрэзу "Міжрэчча"
Завяршаецца пастаўка вялікай партыі кар'ерных самазвалаў у Кузбас для АТ "Міжрэчча", з якім БЕЛАЗ звязвае паўвекавое ўжо супрацоўніцтва. Аўтапарк вугальнага разрэзу ў гэтым годзе сур'ёзна абнавіўся дзякуючы новым самазвалам серыі БЕЛАЗ-7530. У прыватнасці, 23 машыны паступілі ўжо на прадпрыемства, а яшчэ чатыры будуць адгружаны да канца адыходзячага года.
Гарнякі адзначаюць, што новыя 220-тоннікі даюць магчымасць аператыўней перавозіць горную масу і павялічыць прадукцыйнасць раскрыўных работ. У цэлым сёння на разрэзе працуюць 122 БЕЛАЗы грузападымальнасцю ад 45 да 220 т.
Папаўненне парку БЕЛАЗаў Краснаярскага края
Партнёры БЕЛАЗа прадаўжаюць планамернае развіццё вуглездабычы ў Краснаярскім краі, а з ёй і папаўненне парка кар'ернай тэхнікі сваіх прадпрыемстваў.
На разрэзе Пераяслаўскі кампаніі "Рускі вугаль" у лістападзе ўведзены ў эксплуатацыю новы 55-тонны кар'ерны самазвал БЕЛАЗ серыі 7555. А нядаўна на іншы актыў кампаніі - разрэз Саяна-Партызанскі - па інвестыцыйнай праграме развіцця вытворчасці высокакаларыйнага энергетычнага вугалю набыты самазвал БЕЛАЗ-75589 грузападымальнасцю 90 т. У бліжэйшы час на прадпрыемстве чакаецца пастаўка другога аналагічнага БЕЛАЗа, увод у эксплуатацыю якога плануецца ў студзені 2023 года.
Парк кар'ернай тэхнікі буйнейшага гліназёмнага прадпрыемства Расіі АТ "РУСАЛ Ачынск" папоўніўся 55-тоннікамі. Тры самазвалы пасля зборкі паступяць на Кія-Шалтырскі нефелінавы руднік, а сем - на Мазульскі вапняковы руднік.
Флагманскія 220-тоннікі ў Забайкаллі
За два апошнія месяцы на Харанорскім вугальным разрэзе - прадпрыемстве СВЭК у Забайкальскім краі - пачаў работу ўжо чацвёрты 220-тонны БЕЛАЗ.
"Мы запускаем чацвёрты кар'ерны самазвал серыі БЕЛАЗ-7530, гэта цудоўны падарунак прадпрыемству да Новага года. У лістападзе работу пачалі яшчэ тры такія 220-тоннікі. Дзякуючы абнаўленню і папаўненню аўтапарка, мы зможам павялічыць раскрыўныя работы, што дасць магчымасць выконваць пастаўленыя задачы па здабычы бурага вугалю хутчэй і якасней", - адзначыў на ўрачыстым запуску новай машыны ў эксплуатацыю тэхнічны дырэктар АТ "Разрэз Харанорскі" Пётр Габідулін.
На ўчастку раскрыўных работ разрэзу асноўная нагрузка па перавозцы цяжкай горнай пароды ляжыць на магутных плячах флагманскіх мадэлей БЕЛАЗаў грузападымальнасцю 220 т. У сярэднім БЕЛАЗ робіць тут 22-24 рэйсы за змену і да 200 км па серпанціне тэхналагічных дарог.
45-тонныя БЕЛАЗы Карачаева-Чэркесіі
Парк кар'ернай тэхнікі расійскага прампрадпрыемства "Каўказцэмент" - буйнейшага вытворцы цэменту ў Карачаева-Чэркескай Рэспубліцы - папоўніўся двума новымі БЕЛАЗамі серыі 7547 грузападымальнасцю да 45 т.
Гэтыя беларускія самазвалы ідэальна падыходзяць для работы ў цяжкіх горных умовах кар'еру. Яны вытрымліваюць вялікія дынамічныя і статыстычныя нагрузкі, вызначаюцца надзейнасцю, высокай манеўранасцю, зручныя ў кіраванні, простыя ў эксплуатацыі і тэхабслугоўванні.
Новы пагрузчык для гранітаздабытчыкаў
Новы франтальны пагрузчык серыі БЕЛАЗ-7822 попоўніў аўтапарк спецтэхнікі РУВП "Граніт" - буйнейшага спажыўца тэхнікі БЕЛАЗ у Беларусі. Пагрузчык з колавай формулай 4х4 і аб'ёмам каўша 6 кубаметраў здольны за раз падняць 10 т сыпучых і кускавых грузаў. Усяго ў аўтапарку гранітаздабытчыкаў ужо восем такіх франтальных пагрузчыкаў БЕЛАЗ.
Крыніца: minsk-region.gov.by
