"Мінская вобласць не толькі займае цэнтральнае месца, але і з'яўляецца безумоўным лідарам па многіх ключавых напрамках. Сельская гаспадарка, прамысловасць, здабыча карысных выкапняў - гэта важнейшы напрамак эканомікі краіны, уклад вобласці ў якія перасягае пятую частку рэспубліканскага аб'ёму. І гэта дарагога варта", - сказаў Раман Галоўчанка.
Прэм'ер-міністр Беларусі адзначыў, што гісторыя Мінскай вобласці непарыўна звязана з гісторыяй усёй краіны. "Гэта гісторыя гераічная, абпаленая агнямі Хатыні і соцень беларускіх вёсак, спаленых у гады Вялікай Айчыннай вайны. Гэта гісторыя перамог і здзяйсненняў, калі няскораны беларускі народ у адзінстве адраджаў краіну з руін і пекла. Будаваў новыя вытворчасці, разведваў багатыя нетры зямлі Беларусі. Гэта гісторыя тысяч і тысяч простых працаўнікоў, якія кожны дзень, не пакладаючы рук па крупінках стваралі багацце беларускага народа, жадаючы, каб наступныя пакаленні жылі ў міры і дастатку", - падкрэсліў ён.
Раман Галоўчанка ўпэўнены, што Мінская вобласць адзначыла 85-гадовы юбілей з дастойнымі рэзультатамі. "Сельская гаспадарка, прамысловасць, перапрацоўка дэманструюць упэўнены рост. Рэкордныя намалоты, гістарычныя надоі, актыўнае развіццё дарожна-транспартнай сеткі, добраўпарадкаванне і стварэнне сучаснай гарадской інфраструктуры, паскоранае будаўніцтва аб'ектаў сацыяльнай сферы - гэта толькі малая частка вынікаў работы вобласці за апошнія гады. За ёю - карпатлівая праца ўсіх: рабочых і ўпраўленцаў, будаўнікоў і інжынераў, сельскіх працаўнікоў. Упэўнены, што працавітасць, шчырая любоў да роднай зямлі, умелае эфектыўнае гаспадаранне дадуць магчымасць Мінскай вобласці і далей займаць пазіцыі лідара, а таксама дасягаць новых вышынь", - рэзюмаваў Раман Галоўчанка.
Крыніца: minsk-region.gov.by
