У праграме значацца як конкурсныя праслухоўванні юных музыкантаў, так і канцэрты прафесійных калектываў, круглыя сталы па праблемах джазавага выканання.
Урачыстае адкрыццё адбудзецца 11 мая пры ўдзеле Нацыянальнага акадэмічнага аркестра імя М.Я. Фінберга. Майстар-класы правядуць вядучыя джазавыя музыканты Павел Аўчыннікаў (Масква) і Клеменціна Сіняглазава (Санкт-Пецярбург).
Конкурсныя выступленні ацэніць кампетэнтнае міжнароднае журы, у склад якога ўвойдуць вядучыя беларускія і расійскія джазавыя музыканты.
Лепшых вызначаць у некалькіх намінацыях: "Вакал", "Саліст-інструменталіст", "Інструментальны ансамбль", "Аркестр". У іх прымуць удзел прадстаўнікі джазавых напрамкаў школ і ўстаноў сярэдняй спецыяльнай адукацыі - вакалісты, выканаўцы на такіх інструментах, як трамбон, кларнет, кантрабас, электрагітара, бас-гітара, ударныя, піяніна, ансамблі розных складаў.
Самым відовішчным абяцае стаць выступленне эстрадных аркестраў. Завершыцца JAZZ-TIME 2023 гала-канцэртам лаўрэатаў. Уладальнік Гран-пры атрымае ў падарунак электроннае піяніна.
"Прадстаўлены розныя намінацыі, самая масавая - "Саліст-інструменталіст". Канкурсанты падзелены па ўзроставых катэгорыях. Агульная колькасць удзельнікаў - амаль 300 чалавек, у тым ліку больш за 200 дзяцей", - расказала Святлана Пятровіч.
Усе тры конкурсныя дні будзе весціся анлайн-трансляцыя.
Конкурс праводзіцца галоўным упраўленнем культуры Мінскага аблвыканкама, Салігорскім раённым выканаўчым камітэтам пры падтрымцы Міністэрства культуры. Яго называюць адным з цэнтральных падзей творчага жыцця джазавых музыкантаў Беларусі і блізкага замежжа.
Мэта конкурсу - павышэнне ўзроўню выканальніцкага майстэрства ўдзельнікаў, абмен вопытам, развіццё міжнародных культурных сувязей, папулярызацыя джазавай інструментальнай музыкі.
Крыніца: minsk-region.gov.by
