Паводле слоў Сяргея Нікіфаровіча, сёння прадпрыемства працуе па многіх напрамках з улікам агульнасусветных трэндаў. Размова ідзе аб выпуску самазвалаў на звадкаваным прыродным газе, тэхніцы на акумулятарных батарэях і з гібрыднай схемай работы, якая сумяшчае рухавік малой магутнасці і акумулятарныя элементы. Таксама ў прыярытэце імпартазамяшчэнне, рабатызацыя.
"Распрацавана доўгатэрміновая стратэгія развіцця. Заснавана яна на аналізе рынку, патрэбнасцях у перспектыўных відах кар'ернай тэхнікі", - адзначыў Сяргей Нікіфаровіч.
Асноўныя задачы - нарасціць аб'ёмы рэалізацыі ў тым сегменце, у якім БЕЛАЗ мае перавагу (самазвалы грузападымальнасцю 130-220 т), значна павялічыць прысутнасць у сегменце 90-тонных машын. Па апошнім напрамку прадпрыемства мае намер прапанаваць не толькі класічную кампаноўку, але і электрасамазвалы, электратралейвозы, самазвалы, якія працуюць на газе.
Ёсць попыт на прадукцыю магілёўскага філіяла (МаАЗ), які выпускае падземную тэхніку і самазвалы павышанай праходнасці з цвёрдай і сучлененай рамай. "Даволі добрыя цяпер поспехі. Бачым узрастаючы рынак. Якраз гатовы запоўніць нішы, якія вызваліліся ў сувязі з геапалітычнымі падзеямі", - сказаў Сяргей Нікіфаровіч.
Павялічылася рэалізацыя прадукцыі (у тым ліку на экспарт), выпускаемай Магілёўскім вагонабудаўнічым заводам. Добрыя вынікі дэманструе ААТ "Кранавы завод".
Сяргей Нікіфаровіч падкрэсліў, што аснова сённяшніх поспехаў закладзена ў часы, калі прадпрыемствам кіраваў Герой Беларусі Павел Марыеў. Укараняліся сучасныя на той момант тэхналогіі, прагрэсіўныя сістэмы кіравання, праводзілася лічбавізацыя працэсаў, каб БЕЛАЗ меў магчымасць далей развівацца.
"Мы ніколі не спыняліся, прадаўжаем будаваць прадпрыемства. Павел Лук'янавіч Марыеў у наглядальным савеце ўзначальвае інавацыйную групу, паказвае напрамкі, у якіх рухацца. Крытыкуе, калі бачыць недапрацоўкі", - адзначыў Сяргей Нікіфаровіч.
Крыніца: minsk-region.gov.by
