"Выстаўка да 110-годдзя зборніка паэта - сумесны праект нашага музея і музея Максіма Багдановіча. Галоўная яе экспазіцыя складаецца з дзесяці планшэтаў з інфармацыяй аб жыццёвым шляху і творчасці лірыка, падмацаванай фотаматэрыяламі", - расказала намеснік дырэктара па навуковай рабоце Мінскага абласнога краязнаўчага музея Вольга Шылько.
Частка з іх прысвечана знаходжанню Максіма Багдановіча ў мястэчку Ракуцёўшчына, дзе ён праводзіў час і натхняўся мясцовай прыродай.
"У нашым музеі захоўваюцца рэліквіі - творы ў самім зборніку "Вянок". Як і арыгінальны зборнік, датаваны 1913 годам, што вялікая рэдкасць для Беларусі. Гэта менавіта той зборнік, што быў выдадзены ў друкарні Марціна Кухты. Таксама на выстаўцы будзе прадстаўлены перавыдадзены ў 1927 годзе зборнік і факсімільная копія "Вянка" 2003 года, надрукаваная якраз да юбілею паэта", - адзначыла спецыяліст.
Наведвальнікі выстаўкі змогуць таксама акунуцца ў атмасферу пачатку мінулага стагоддзя, у якой тварыў паэт, убачыць частку інтэр'ера пакоя таго часу. А таксама зрабіць фота на памяць на фоне пейзажу Ракуцёўшчыны.
"Мы прапануем не толькі наведаць выстаўку, але і прыняць удзел у квесце пасля яе прагляду. Напрыклад, такі фармат наведвання музея будзе карысным для школьнікаў. І ўжо заўтра мы чакаем навучэнцаў школы-інтэрната на своеасаблівы музейны ўрок па творчасці Максіма Багдановіча", - расказала Вольга Шылько.
Працаваць выстаўка будзе з 31 жніўня па 16 кастрычніка.
Крыніца: minsk-region.gov.by
