Актыўная фаза спецыяльнага вучэння выратавальных падраздзяленняў дзяржаў - членаў АДКБ "Скала-2023" прайшла пад Барысавам, перадае карэспандэнт БЕЛТА.
Беларускія ратавальнікі разам з калегамі з Казахстана, Кыргызстана, Расіі і Таджыкістана прымаюць удзел у дэманстрацыйнай частцы спецыяльнага вучэння выратавальных падраздзяленняў Арганізацыі Дагавора аб калектыўнай бяспецы "Скала-2023". На вучэнні былi адпрацаваны навыкі сумеснага рэагавання на радыяцыйныя аварыі ў разбураных будынках і збудаваннях.
Для ўдзельнікаў былi прадугледжаны розныя сцэнарыі надзвычайных сітуацый. Яны таксама правялi комплекс аварыйна-выратавальных мерапрыемстваў, які ўключае радыяцыйную разведку мясцовасці, ліквідацыю аварыі з наяўнасцю крыніц іанізуючага выпрамянення на аўтамабільным, чыгуначным і паветраным транспарце, правядзенне аварыйна-выратавальных работ у зонах разбурэння будаўнічых канструкцый і на вышыні.
Усяго ў дэманстрацыйнай частцы задзейнічана больш як 380 чалавек і 94 адзінкі тэхнікі. Сцэнарый прадугледжвае 12 практычных пляцовак, на якіх адпрацуюць элементы ўзаемадзеяння выратавальных падраздзяленняў дзяржаў АДКБ і шэсць дэманстрацыйных лакацый.
Назіралi за ходам вучэння кіраўнікі выратавальных ведамстваў Беларусі, Казахстана, Кыргызстана, Таджыкістана і Расіі - члены Каардынацыйнага савета па надзвычайных сітуацыях дзяржаў - членаў АДКБ.