У сваім першым турніры салігорская дружына 19 лістапада ў Санкт-Пецярбургу будзе сапернічаць з моцнымі расійскімі камандамі. Таксама "Шахцёр" стане базавай камандай нацыянальнай зборнай Беларусі і будзе першым беларускім клубам, які выступіць у чэмпіянаце Расіі па баскетболе 3х3. Стартавы тур расійскага чэмпіянату пройдзе 25-26 лістапада ў Обнінску.
На спаборніцтвах у Санкт-Пецярбургу ў бліжэйшую нядзелю таксама выступіць жаночая зборная Беларусі па баскетболе 3х3. Цяпер каманда праводзіць вучэбна-трэніровачны збор у Мінску. Пад кіраўніцтвам галоўнага трэнера Наталлі Ануфрыенка рыхтуюцца Ірына Краўчанка, Ганна Лапо, Ульяна Скіба (усе - "Алімпія", Гродна), Настасся Бабак, Паліна Верабей, Алена Цітавец (усе - "МІНСК"), Аліса Баршчэўская, Паліна Катлінская (абедзве - "Гарызонт").
Крыніца: minsk-region.gov.by
