"Калі аналізаваць вынікі 2023 года, то можна сказаць, што наша вобласць нядрэнна спрацавала, забяспечыўшы рост валавога рэгіянальнага прадукту на 9,8 працэнта, выканання задання па экспарце, будаўніцтве жылля, заработнай платы. Гэта макраэканамічныя параметры, але калі апускаешся на мікраўзровень, разумееш, што ў нас яшчэ дастаткова праблем. Складана, напрыклад, паўплываць на работу "Беларуськалія" або БЕЛАЗа, аднак наша развіццё складаецца з малога. Трэба паглядзець, як у нас працуе транспарт, як чысцяцца вуліцы, які падзеж жывёлы ў гаспадарках і іншыя рэчы, на якія мы непасрэдна ўплываем. Часта вырашэнне нават гэтых пытанняў вымушае жадаць лепшага. Зыходзячы з гэтага і трэба даваць ацэнку работы кадраў", - адзначыў Аляксандр Турчын.
Ён таксама прывёў шэраг негатыўных прыкладаў з практыкі, калі кіраўнікі прадпрыемстваў або арганізацый вобласці дэманстравалі нізкую выканальніцкую дысцыпліну, прамаруджванне ў вырашэнні пытанняў па зваротах грамадзян і іншыя.
"Кожны павінен займацца сваёй справай і выконваць тыя функцыянальныя абавязкі, якія на яго ўскладзены, выконваць даручэнні, якія даюцца. І патрабаваць гэтага ад сваіх падначаленых. Калі няма такой сістэмы, то няма чаго тады дзівіцца адносінам людзей да органаў улады. Калі ўсе будзем працаваць як трэба, то ўсё стане на свае месцы", - падкрэсліў губернатар.
Крыніца: minsk-region.gov.by
