Суботнік пад дэвізам «Зробім пасёлак чыстым самі!» пройдзе па ініцыятыве дэпутацкага корпуса Мінскай вобласці, пры ўдзеле членаў Савета Рэспублікі, дэпутатаў Палаты Прадстаўнікоў, а таксама Маладзёжнага савета (парламента) Мінскай вобласці, якія прымуць у працоўнай акцыі самы актыўны ўдзел.
«Населеныя пункты, у якіх пройдзе суботнік, вызначаны ў кожным раёне Мінскай вобласці. Так, у Валожынскім раёне яго ўдзельнікі папрацуюць у г.п. Івянец, у Клецкім — у аг. Морач, у Мінскім — у г.п. Мачулішчы, у Смалявіцкім — у г.п. Зялёны Бор. У суботніку прымуць удзел дэпутаты ўсіх узроўняў. Разам з работнікамі жыллёва-камунальных і дарожных службаў, лясгасаў, устаноў сацыяльнай сферы і прамысловых прадпрыемстваў, прадстаўнікамі мясцовых выканаўчых органаў улады будзем працаваць на агульны вынік», — распавяла старшыня Менскай абласной Рады дэпутатаў Наталля Якубіцкая.
❕Далучыцца да акцыі дэпутаты прапануюць і мясцовым жыхарам, якія могуць таксама ўнесці свой уклад у навядзенне парадку і утульнасці на прыдамавых тэрыторыях прыватных домаўладанняў, дварах шматкватэрных жылых дамоў і вуліцах сваіх населеных пунктаў.
Крыніца: minsk-region.gov.by
