У Мінскай вобласці пройдзе агляд-конкурс на лепшае добраўпарадкаванне і ўтрыманне сельскіх населеных пунктаў з грашовымі прызамі.
Намінацыі:
- Лепшы аграгарадок (прыз — 1 млн руб. за першае месца, 700 і 500 тысяч — за другое і трэцяе адпаведна);
- Лепшая вёска (1 месца — 500 тыс. руб., 2 і 3 месцы — 300 і 150 тысяч адпаведна);
- Лепшая тэрыторыя прадпрыемства (4,20; 2,94 і 2,10 тыс. рублёў — за 1, 2 і 3 месцы адпаведна);
- Лепшы прыватны двор (1,05; 0,84 і 0,63 тысячы рублёў — за 1, 2 і 3 месцы адпаведна).
Як удзельнічаць?
Да 15 жніўня падаць заяўку ў адвольнай форме з фотаматэрыяламі ў мясцовы сельвыканкам. Найлепшыя работы пройдуць у абласны этап — райвыканкамы накіруюць іх у конкурсную камісію з 18 жніўня да 1 верасня.
Калі вынікі?
Пераможцаў агляду-конкурсу вызначаць з 2 па 15 верасня і ўзнагародзяць на «Дажынках-2025». Яны атрымаюць дыпломы, прэміі і кветкавую прадукцыю.
Грошы за перамогу пойдуць на далейшае добраўпарадкаванне вёсак і аграгарадкоў, якія стануць лепшымі па выніках конкурсу, стварэнне і паляпшэнне там сацыяльнай і інжынерна-транспартнай інфраструктуры, узнагароджанне за прыватныя і вытворчыя тэрыторыі пералічаць на рахункі пераможцаў.
Рашэнне аб правядзенні агляду-конкурсу
Крыніца: minsk-region.gov.by
