Удзельнікамі спаборніцтва могуць стаць навучэнцы і педагогі ўстаноў дашкольнай, агульнай сярэдняй, прафесійнай, дадатковай адукацыі дзяцей і моладзі сталічнага рэгіёна. На конкурс прадастаўляюцца праекты з практычнымі прапановамі па эфектыўнаму і рацыянальнаму выкарыстанню энергарэсурсаў ва ўстановах адукацыі і ў побыце. Гэта могуць быць рэкламныя відэаролікі, плакаты, малюнкі, улёткі, відэаматэрыялы і сцэнары культурна-відовішчных мерапрыемстваў.
Работы будуць прэзентаваны ў намінацыях "Праект практычных мерапрыемстваў па энергазберажэнні", "Культурна-відовішчнае мерапрыемства па прапагандзе эфектыўнага і рацыянальнага выкарыстання энергарэсурсаў", "Мастацкая праца па прапагандзе эфектыўнага і рацыянальнага выкарыстання энергарэсурсаў", "Сістэма адукацыйнага працэсу і інфармацыйна-прапагандысцкай працы ў сферы энергазберажэння ва ўстанове адукацыі".
Мэта мерапрыемства - фарміраванне актыўнай сацыяльнай пазіцыі дзяцей і моладзі па рацыянальным выкарыстанні энергарэсурсаў і беражлівым стаўленні да навакольнага асяроддзя, павышэнне культуры абыходжання з энергарэсурсамі, выяўленне і распаўсюджванне эфектыўнага вопыту работы ўстаноў адукацыі па энергазберажэнні.
Лепшыя работы будуць прадстаўлены на рэспубліканскім этапе конкурсу ў сакавіку будучага года.
Крыніца: minsk-region.gov.by
