Чакаецца, што ў мерапрыемстве, якое адбудзецца 16 лістапада на базе экскурсійна-турыстычнага комплексу "Аптэкарскі сад", прымуць удзел прадстаўнікі Камуністычнай партыі Беларусі, дэпутацкага корпуса і Камуністычнай партыі Расіі, дэлегацыя з Украіны.
Удзельнікі высадзяць 75 дрэў - па колькасці гадоў з дня Перамогі ў Вялікай Айчыннай вайне. Такім чынам, яны закладуць сімвалічны "Сад Перамогі - Сад Жыцця".
Таксама гасцям прапануюць наведаць экскурсію па турыстычным комплексе, пазнаёміцца з тэхналогіяй вырошчвання лекавых траў, пакаштаваць гарбату з беларускіх лекавых траў "Аптэкарскага саду", паглядзець выступленні творчых калектываў Мядзельскага раёна.
Акцыя "Кветкі Вялікай Перамогі" традыцыйна праходзіць у Беларусі вясной, а гэтым разам адбудзецца восенню і дасць старт мерапрыемствам міжнароднага камуністычнага актыву, прысвечаным 75-годдзю Перамогі савецкага народа ў Вялікай Айчыннай вайне.
Крыніца: minsk-region.gov.by