Капыльскі раённы выканаўчы камітэт

Традыцыйны "абласны Дзень падпісчыка", які прайшоў на базе гарадскога аддзялення паштовай сувязі "Капыль-2", зноў парадаваў усіх адданых чытачоў раённай газеты. Без падарунка ад раёнкі - друкаванай каляровай прадукцыі ўласнага вырабу - 20 сакавіка не сышоў ні адзін з падпісчыкаў.

 Начальнік аддзялення паштовай сувязі Таццяна Лазюк (злева) афармляе падпіску Таццяне Чырко
Адной з першых квартальную падпіску на "Слава працы" аформіла капылянка Марына Галіцкая. Раённую газету жанчына чытае з дзяцінства, "ад скарынкі да скарынкі". Распавяла, што ў газеце ўсё падабаецца, асабліва многія тэматычныя палосы і рубрыкі. А напрыканцы пажадала ўсяму калектыву "Слава працы" росквіту, а самой газеце па-ранейшаму заставацца шматтыражнай.
Некалькі дзясяткаў гадоў выпісвае раённую газету і Соф'я Туміловіч.
- Ваша газета вельмі падабаецца, - распавяла Соф'я Сяргееўна. — Кожны раз знаходжу цікавыя навіны аб жыцці не толькі раёна, але і сталічнага рэгіёну. Таму сёння аформіла падпіску на тры месяцы.
Не растаецца з каханай раёнкай і Таццяна Чырко, якая кожны раз знаходзіць у ёй нешта новае для сябе. Ды і пенсіянерка Ніна Жук "Слава працы" чытае цалкам і з задавальненнем, можна сказаць усё жыццё. І, на думку жанчыны, калі раней хацелася нешта дадаць, то цяпер усё задавальняе. Усё ёй здаецца аднолькава цікавым, важным, а нешта яшчэ і карысным.
Як паказаў Дзень падпісчыка, раённая газета запатрабаваная нашымі жыхарамі. За амаль 90 гадоў свайго існавання (а 2020-ы год стане для "Слава працы" юбілейным), раёнка падпарадкавалася чытацкаму попыту, стала цікавай для шырокага кола чытачоў. Дарагога варта тое, што падпісчыкі давяраюць журналістам, і мы ў сваю чаргу, стараемся гэты давер апраўдаць. Вынік таму, некаторыя з пажаданняў: "Дзякуй за вашу працу! Жадаем далейшага росквіту і развіцця", " Дзякуй за змястоўную і цікавую газету!». Спадзяемся, што гэтая шматгадовая сувязь з чытачом не перапыніцца, а стане яшчэ больш моцнай.
Таццяна БОХАН