Капыльскі раённы выканаўчы камітэт

ўся «Адкрыты мікрафон», арганізаваны Капыльскім РК ГА «БРСМ». Мерапрыемства прайшло на свежым паветры, каля аддзела ЗАГС райвыканкама, дзе сабралася нямала моладзі, якой было што паказаць.
Прызнацца, у пачатку сустрэчы было не так ажыўлена, але потым жыхары горада пад гучныя гукі, якія даносіліся з калонак, пачалі падцягвацца і назіраць за цікавым і займальным відовішчам. Дзяўчаты і хлопцы паказалі ўсё, што ўмеюць, - на імправізаванай сцэне выступоўцы здзіўлялі песнямі ў розных жанрах, чыталі рэп, а таксама дзяліліся вершамі ўласнага сачынення. Творчасць не засталася незаўважанай - шматлікім прысутным гледачам, а таксама падпісчыкам Капыльскай моладзевай арганізацыі ў інстаграме, якія назіралі за дзействам у прамым эфіры, спадабалася мерапрыемства.
Першы сакратар РК ГА «БРСМ» Анастасія Козел упэўненая, што ўпершыню праведзены «Адкрыты мікрафон» прынясе свой плён і стане рэгулярным сярод таленавітай моладзі, гатовай падзяліцца сваімі захапленнямі.
Нагадаем, што ў далейшым плануецца стварыць супольнасць творчых людзей для прасоўвання моладзевых ініцыятыў і вырашэння важных задач для моладзі Капыльшчыны.
Павел Шэін