Па выніках занальных спаборніцтваў сярод дзяцей і падлеткаў
па футболе "Скураны мяч" на прызы Прэзідэнцкага спартыўнага клуба
каманда футбалістаў з Капыля выйшла ў фінал.
Спаборніцтвы па футболе «Скураны мяч» праводзяцца з мэтай
павышэння эфектыўнасці фізкультурна-аздараўленчай і спартыўна-масавай работы з
дзецьмі і падлеткамі. На працягу двух дзён на стадыёне сярэдняй школы № 4 г.
Нясвіжа быў праведзены шэраг вырашальных матчаў. На званне лепшых ва ўзроставай
групе 2005 года нараджэння прэтэндавала чатыры каманды з Капыльскага,
Нясвіжскага, Стаўбцоўскага і Клецкага раёнаў. Ва ўпартай барацьбе каманда
капылян атрымала перамогу і трапіла ў фінал. Завяршыліся ж матчы, як гаворыцца,
з сухім лікам: са Стаўбцоўскай камандай-3: 0, з Клецкай-5:0 і з Нясвіжскай — 4:
0. У гэтым немалая заслуга саміх футбалістаў. Варта назваць імёны лепшых:
брамнік - Дзмітрый Варабей, абаронцы - Арцём Галушка, нападаючыя - Глеб
Ежгуновіч і браты Мацулі - Аляксандр і Павел.
«Скураны мяч» — гэта сапраўдны футбольнае свята для ўсіх яго ўдзельнікаў. Бо
акрамя прыгожай гульні і незабыўных уражанняў рабяты выносяць з сабой бясцэнны гульнявой вопыт, а таксама
разнастайныя прызы і памятныя падарункі ад арганізатараў.
Па словах трэнера футбольнай каманды, настаўнікі фізічнай
культуры і здароўя СШ № 2 г.Капыля Валерыя Міхайлавіча Астрэйкі, штогод турнір
збірае самыя моцныя дваровыя каманды Беларусі. У ім могуць прымаць удзел толькі
тыя рабяты, якія не займаюцца футболам у спецыяльных школах і акадэміях. У
нашым жа выпадку каманда капылян складаецца з навучэнцаў 8-х класаў СШ № 2 г.
Капыля, для якіх футбол проста хобі.
Фінальныя паядынкі прайшлі ў г. Мар'іна Горка і завяршыліся
«гарачымі» баталіямі. У выніку каманда капылян увайшла ў пяцёрку наймацнейшых
каманд Мінскай вобласці.
Таццяна Бохан