У рамках Кубка Мінскай вобласці Капыльская футбольная каманда
«Будаўнік» выйшла ў паўфінал дзякуючы выдатнай гульні, адолеўшы дамы сапернікаў
ДЮСШ-4 з Маладзечанскага раёна.
Матч адбыўся ў мінулую сераду на полі
фізкультурна-аздараўленчага цэнтра. Трэба адзначыць, што гульня атрымалася
насычанай і ўвесь час трымала ў напрузе: гаспадары спрабавалі ўсімі сіламі
прабіць абарону гасцей, што ім і атрымалася — выніковы лік 6:1. У капылян
самымі выніковымі гульцамі сталі Яўген Панькоў, які забіў тры мячы ў браму
суперніка, Вадзім Антанюк, Юрый Бародка і Арцём Рахімаў.
Адзначым, што ў рамках Кубка вобласці раней каманды ўжо
сустракаліся. Тады нашы футбалісты на выездзе таксама ўзялі верх над
маладзечанскімі гульцамі. Лік быў з такім жа адрывам - 5: 0. Наступная гульня ў
рамках Кубка адбудзецца 31 ліпеня, у сераду, на полі Капыльскага ФАЦа з
камандай «Колас» з Чэрвеньскага раёна.
Нельга не адзначыць і чэмпіянат Мінскай вобласці, дзе
капыляне таксама адрозніваюцца добрымі паказчыкамі. У групе Б «Будаўнік» займае
лідарства, а ў агульнай турнірнай табліцы трымае ўпэўненае другое месца. Раней
капыляне здолелі здабыць дзве перамогі, згуляўшы з камандамі са Старых Дарог
(4:2) і Клецка (2:0). Наступны матч адбудзецца на выездзе 28 ліпеня, дзе наш «Будаўнік»
сустрэнецца з камандай «Энергія» з Пухавіцкага раёна. Пажадаем Капыльскай
камандзе толькі перамогі!
Павел Шэін