Пастаянныя наведвальнікі капыльскага дэндрарыя ўжо паспелі заўважыць,
што там з'явіўся новы «жыхар».
Уздоўж адной з дарожак, па якіх так любяць шпацыраваць капыляне,
устаноўлена драўляная фігура мядзведзя. Яго аўтарам з'яўляецца Яўген Сямашка, які
працуе ў Капыльскім доследным лясгасе. Над стварэннем больш чым двухметровай
скульптуры майстар працаваў не адзін дзень. У мядзведзя сапраўдныя кіпцюры і
зубы, а дэталі яго ладу дакладна ўзнаўляюць характар ляснога драпежніка. Зараз для
ўсіх жадаючых з'явілася яшчэ фотазона.
Маргарыта Саковіч