6 верасня ў 11.00 у г. Дзяржынскім ГДК пройдзе абласны конкурс прафесійнага майстэрства "Лепшы сацыяльны работнік".
У конкурсе задзейнічаны 23 лепшыя сацыяльныя работнікі тэрытарыяльных цэнтраў сацыяльнага абслугоўвання насельніцтва Мінскай вобласці. Сярод іх - і прадстаўнік Капыльшчыны. Гэта сацыяльны работнік аддзялення сацыяльнай дапамогі ТЦСАН Іна Лагута. Дапамогу ў выступах і падтрымку ёй акажуць 11 спецыялістаў Цапыльскага тэрытарыяльнага цэнтра.
Конкурс накіраваны на павышэнне прафесійнага ўзроўню сацыяльных работнікаў, якасці і культуры сацыяльнага абслугоўвання, развіццё творчай ініцыятывы і наватарства, стварэнне ўмоў для прафесійнай і асобаснай самарэалізацыі, а таксама павышэнне прэстыжу гэтай нялёгкай прафесіі.
Прафесійнае майстэрства лепшага сацыяльнага работніка будзе вызначацца па выніках 4 конкурсаў, 2 з якіх "Эрудыт" і "Аўтар" ужо ацэнены журы.
6 верасня канкурсанты прадставяць журы хатняе заданне – сваё бачанне арганізацыі сацыяльнай падтрымкі насельніцтва ў сучасных умовах і ў перспектыве, улічваючы асаблівасці аказання яе ў сваёй мясцовасці, прапануюць шляхі і механізмы яе ўдасканалення, а таксама прадэманструюць свае творчыя здольнасці ў музычна-паэтычным конкурсе " Талент".
Пажадаем нашай Іне Лагуце толькі перамогі!