Цікавы маршрут, пейзажы, якія дзівяць уяўленне, высокі ўзровень арганізацыі, добры прызавы фонд - усё гэта чакае вас 14 верасня ў Капылі - горадзе, які ўжо неаднаразова станавіўся месцам правядзення рэспубліканскіх лёгкаатлетычных спаборніцтваў «KOPYL RACE».
Падрыхтоўка да іх вядзецца згодна працоўнаму плану, зацверджанаму Міністэрствам спорту і турызму Рэспублікі Беларусь, галоўным упраўленнем спорту і турызму Мінаблвыканкама і Капыльскім райвыканкамам. Судзейства рэспубліканскіх спаборніцтваў «KOPYL RACE» будзе ажыццяўляцца галоўнай судзейскай калегіяй, зацверджанай грамадскім аб'яднаннем «Беларуская федэрацыя лёгкай атлетыкі». А вось галоўную судзейскую калегію раённага спартыўна-аздараўленчага свята Дзень бегу сцвярджае упраўленне адукацыі, спорту і турызму Капыльскага райвыканкама.
Таццяна БОХАН