Кіраўнік Адміністрацыі Прэзідэнта Наталля Качанава адзначыла, што Аляксандр Турчын ужо на працягу доўгага часу займае важныя кіруючыя пасады ў краіне, у тым ліку працаваў у Мінскім аблвыканкаме, і ў цэлым зарэкамендаваў сябе адказным і выканаўчым, мае вялікі кіраўнічы вопыт, умее працаваць з людзьмі.
Яна асабліва падкрэсліла, што Аляксандр Турчын паэтапна прайшоў усе прыступкі кар'ернага і прафесійнага росту, што вельмі важна для эфектыўнай працы і на пасадзе губернатара. «Гэта маладосць, вопыт, веды. Каманда, якая сёння склалася ў Мінскай вобласці, - гэта прафесіяналы высокага ўзроўню».
«За» кандыдатуру Аляксандра Турчына выказаўся намеснік старшыні аблвыканкама Іван Маркевіч:
- Працуючы з многімі губернатарамі Мінскай вобласці, хачу адзначыць, што кожны з іх унёс сур'ёзны ўклад і адыграў вялікую ролю ў развіцці Мінскай вобласці. І ад імя Міншчыны, ад кадраў Мінскай вобласці хачу падзякаваць за паспяховую працу, за садзейнічанне і стабільнасць Анатолю Міхайлавічу Ісачэнку. Праца сапраўды ішла зладжана і годна. Мінская вобласць - Цэнтральны рэгіён, Мінская вобласць з'яўляецца і будзе прыкладам для ўсіх, і кіраўнік дзяржавы асаблівую ўвагу надае сталічнаму рэгіёну. Прызначаючы на гэтую пасаду і на адказны ўчастак Аляксандра Турчына, прэзідэнт выразна сказаў, што мы праверым яго і паглядзім на справе.
Іван Маркевіч нагадаў, што з 2010 па 2015 гады Аляксандр Турчын займаў пасаду старшыні камітэта эканомікі аблвыканкама, і адазваўся аб новым кіраўніку наступным чынам: «ён заўсёды імпанаваў мне, У першую чаргу, сваім стаўленнем да людзей, да чалавека працы. У яго матэматычны склад розуму, дальнабачная пазіцыя як у эканаміста і фінансіста. І, калі браць паказчыкі, то за пяцігодку 2010-2015 гг. , то рэгіянальны прадукт быў за гэты перыяд 22,4%. Вытворчасць прамысловай прадукцыі ўзрасла на 136%, і самае галоўнае, да чаго мы ідзем, гэта інвестыцыі ў эканоміку. За паказаную пяцігодку яны склалі 7,2 $ млрд і ў два разы перавысілі папярэдні перыяд. Гэтак жа і экспарт прадукцыі, заработная плата павялічылася на 145%. Але галоўнае, што па той пяцігодцы, сярод усіх абласцей і горада Мінска, Мінская вобласць была першай і занесена на Дошку гонару Рэспублікі Беларусь».
Аднак цесная праца сумесна і на карысць Мінскай вобласці ў Аляксандра Турчына працягнулася і пасля, калі ён стаў займаць больш высокія пасады. Гэта пацвярджаюць і словы генеральнага дырэктара ААТ «Беларуськалій», члена Савета Рэспублікі Нацыянальнага сходу Рэспублікі Беларусь Івана Галаватага: «Працягваючы працу ва ўрадзе, з прадпрыемствам (аўт. «Беларуськалій») была наладжана канструктыўная праца па крэдытнай палітыцы, па іншых эканамічных пытаннях. Сёння гэта сапраўды дазволіла выйсці на новы ўзровень. Я ўпэўнены, што з прызначэннем Аляксандра Турчына на пасаду губернатара Мінскай вобласці, рэгіён атрымае новае развіццё і ўмацуецца ў званні лідара Рэспублікі Беларусь».
Таксама Іван Галаваты падзякаваў ужо экс-губернатару Мінскай вобласці Анатолю Ісачанку за яго ўклад у развіццё рэгіёна: «Пры яго кіраўніцтве Мінскай вобласцю сапраўды шмат было дасягнута вынікаў, шмат было рэалізавана».
Яшчэ адно буйное прадпрыемства Мінскай вобласці, якое паспела плённа папрацаваць з Аляксандрам Турчыным - гэта «Агракамбінат «Ждановічы». Яго генеральны дырэктар, дэпутат абласнога Савета дэпутатаў па Ждановіцкай выбарчай акрузе Рыгор Чуйко адзначыў, што сумесна з аблвыканкамам, прадпрыемства змагло рэалізаваць два буйныя праекты. Яшчэ адзін напрамак, які пачынаў Аляксандр Турчын у свой час - развіццё гарадоў-спадарожнікаў у Мінскай вобласці. Аляксандр Генрыхавіч прымаў непасрэдны ўдзел пры рэалізацыі гэтага дэкрэта - развіццё эканамічнай дзейнасці, стварэнне вытворчасцяў і новых працоўных месцаў на тэрыторыі гарадоў-спадарожнікаў.
Дайшла чарга на трыбуне і да новага кіраўніка. Аляксандр Турчын заявіў, што калектыў у Мінскай вобласці сфарміраваны, калектыў ёсць. «Я думаю, што сёння ўсе здольны працаваць, выконваць тыя задачы, якія ставіць перад намі кіраўнік дзяржавы, ды і жыццё. Я на ўсе працэсы гляджу праз прызму эканамічнай эфектыўнасці: калі ёсць эфектыўнасць - значыць, мы правільна рухаемся, калі не - трэба нешта мяняць. Прыярытэты, вядома, для мяне самыя галоўныя - гэта дабрабыт людзей і паляпшэнне якасці іх жыцця. Праз гэтыя рэчы я гляджу на ўсе астатнія працэсы, якія адбываюцца, у тым ліку, і ў эканоміцы. Гэта галоўны вынік. Мы можам казаць аб росце, аб чымсцi яшчэ, але калі не расце ў людзей заробак, не паляпшаецца якасць жыцця, значыць наша праца нікому не патрэбна.
Падагульняючы сесію абласнога Савета дэпутатаў, яго кіраўнік Наталля Якубіцкая пажадала новаму кіраўніку аблвыканкама ўсялякіх поспехаў на адказнай пасадзе, а ўжо былому губернатару, Анатолю Ісачэнку пад гучныя апладысменты падзякавала за плённую працу на карысць развіцця Мінскай вобласці.
«СП» http://www.kopyl.by
