Акрамя вакалу і харэаграфіі, конкурс, які праходзіў на базе Мінскага гарадскога Палаца культуры, меркаваў і іншыя намінацыі: мажарэткі, цырк, гутарковы жанр, інструментальная музыка, тэатры мод і мадэльныя агенцтвы, фотамадэлі.
Талент і ўзрушаючую энергетыку юных талентаў ацэньвала строгае судзейства. У выніку дадому капыляне вярнуліся з узнагародамі. З дыпломам лаўрэата I ступені ў катэгорыі «Iндывідуальныя мадэлі» ва ўзроставай групе 11-12 гадоў прыехала выхаванка мадэльнага агенцтва K&S Models agency копылянка Анастасія Бачко. Дзяўчынка другі год займаецца ў мадэльным агенцтве і ўжо стала тварам аднаго з лепшых італьянскіх мадэльных агенцтваў у горадзе Вероне, удзельнічала ў Беларускім тыдні моды, у модных паказах у Львове і Пецярбургу, здымках для банэра свайго рэкламнага агенцтва, а таксама прымала ўдзел у здымках фільма «Купала» на Беларусьфільме.
Яркія эмоцыі ад конкурсу прывезлі з сабой і «пачаткоўцы», выхаванцы K&S Models agency, якія выступалі ў катэгорыі «Iндывідуальныя мадэлі». Дыпломам лаўрэата II ступені адзначана самая маленькая ўдзельніца - пяцігадовая Анастасія Каўпак. А вось дыпломамі лаўрэата III ступені ўзнагароджаны Паліна Пратасевіч, Вераніка Насевіч, Паліна Бохан і Ульяна Раман.
Індывідуальныя мадэлі — Анастасія Каўпак, Ульяна Роман, Пратасевіч Паліна, Паліна Бохан і Вераніка Насевiч
- Нягледзячы на тое, што дзяўчынкі навучаюцца ў мадэльным агенцтве толькі другі месяц, яны годна паказалі сябе на вялікай сцэне сталіцы — дзеліцца дырэктар K&S Models agency Крысціна Шчасная. - Яны вельмі здольныя і мэтанакіраваныя, за гэта журы і адзначыла іх на досыць высокім узроўні. Вядома ж, гэта толькі пачатак, усё яшчэ наперадзе. А калі ваш дзіця раскаванае, упэўненае ў сабе і не сарамлівае - запрашаем у наша мадэльнае агенцтва, якое ў кастрычніку адкрылася ў Капылі.
Выдатныя вынікі на конкурсе паказалі і вакалісты. Дыпломам лаўрэата I ступені ў джазавым вакале адзначана Вікторыя Жогаль, якая выканала «Оду джаза». Дарэчы, у народным вакале з песняй «Саўка ды Грышка» лаўрэатам I ступені зноў стала Анастасія Бачко.
На сцэне — Анастасія Бачко
Ацаніла журы конкурсу і талент Вікторыі Трухан, якая з музычнай кампазіцыяй «Беларусь мая сінявокая» стала дыпламантам I ступені ў эстрадным вакале ва ўзроставай катэгорыі 11-12 гадоў.
Таццяна БОХАН
«СП» http://www.kopyl.by
