Удзел у кастынгу прынялі 24 дзяўчыны, прадстаўніцы розных арганізацый, прадпрыемстваў і ўстаноў Капыльшчыны.
Прэтэндэнтак на званне каралевы прыгажосці ацэньвала журы ў складзе намесніка старшыні Капыльскага райвыканкама Аляксандра Дубіны, начальніка аддзела ідэалагічнай работы, культуры і па справах моладзі Капыльскага райвыканкама Ларысы Юхо, галоўнага спецыяліста аддзела вучэбнай, сацыяльнай і выхаваўчай работы, спорту і турызму ўпраўлення па адукацыі, спорце і турызме райвыканкама Юліі Бурак, заснавальніка студыі прыгажосці «Гармонія» Алены Рудакоўскай, намесніцы дырэктара па выхаваўчай рабоце Капыльскага дзяржаўнага каледжа Наталлі Кудзелка і майстра па цырульніцкім мастацтве і касметыцы Капыльскага дзяржаўнага каледжа Анастасіі Давідовіч.
Вынікі конкурсу былі падведзеныя пасля дэфіле і прадстаўлення дзяўчатамі сваіх «візітовак».
У выніку п'едэстал гонару падзялілі паміж сабой цёзкі - прыгажуні з Капыльскага дзяржаўнага каледжа Ганна Глушэнь і Ганна Асіпюк - у іх другое і першае месца адпаведна.
Не абышлося і без падарункаў: пераможцы дастаўся сертыфікат на прычоску, макіяж і фотасесію ад студыі прыгажосці «Гармонія», а за другое месца ўручылі сертыфікат Капыльскага дзяржаўнага каледжа на атрыманне цырульнiцкiх паслуг.
Аксана Міхайлоўская
«СП» http://www.kopyl.by