У час размовы ў МТП КСУП «Дактаровічы»
Сустрэча з насельніцтвам з удзелам старшыні Дактаровіцкага сельвыканкама Міхаіла Валуевiча і дырэктара КСУП «Дактаровічы» Сяргея Шарупіча адбылася ў будынку Дактаровіцкага сельвыканкама і на тэрыторыі машынна-трактарнага парка КСУП «Дактаровічы». У ходзе сур'ёзнай гутаркі начальнік варты ПАВЧ № 1 Мікалай Кір'яцкі распавёў аб асноўных патрабаваннях пажарнай бяспекі як на працы, так і ў побыце, аб дзеяннях у выпадку ўзнікнення надзвычайных сітуацый, пра падтрыманне ў працаздольным стане аўтаномных пажарных апавяшчальнікаў і карысці іх ўстаноўкі. Ён таксама акцэнтаваў увагу на фактах гібелі людзей на пажарах.
Намеснік начальніка аддзела ідэалагічнай работы, культуры і па справах моладзі райвыканкама Наталля Гарбацэвіч папярэдзіла аб недапушчальнасці выхаду на тонкі лёд. Таксама члены інфармацыйнай групы нагадалі аб правілах паводзін у навагоднія і калядныя святы, на канкрэтных прыкладах патлумачылі небяспеку піратэхнічных вырабаў, распавялі, дзе іх набываць і як утылізаваць.
У гэты ж дзень члены інфармацыйнай групы наведалі і адзінока пражываючых грамадзян па месцы жыхарства. Пенсіянерка Галіна Іванаўна Місючэнка з аграгарадка Новыя Дактаровічы не чакала гасцей, але вельмі ўзрадавалася. З гаспадыняй правялі прафілактычную размову, падчас якой былі дадзены рэкамендацыі аб правілах бяспекі пры абагрэве памяшканняў.
Інфармацыйныя памяткі і ўлёткі з карыснай інфармацыяй МНС па бяспецы жыццядзейнасці члены інфармацыйнай групы сумесна з прадстаўніком маладзёжнага атрада аховы правапарадку (МААП) Вячаславам Шчасным уручалі мінакам на ажыўленых вуліцах аграгарадка Новыя Дактаровічы і ў цэнтры горада Капыля паблізу крам «Санта» і «Еўраопт ».
Улёткі мінакам ўручаюць Мікалай Кір'яцкі і Вячаслаў Шчасны
- Ваша бяспека - у вашых руках, - гучала з вуснаў выступоўцаў. - Толькі быўшы асцярожнымі, мы зможам пазбегнуць экстрэмальных сітуацый, а выконваючы правілы бяспекі жыццядзейнасці, зможам зрабіць святочныя дні для ўсіх вясёлымі і запамінальнымі. Бяспечнага вам Новага года!
Таццяна БОХАН
«СП» http://www.kopyl.by
