Галоўныя ўзнагароды чэмпіянату атрымала каманда «Будаўнік».
Дружыну, якая ўпершыню заваявала Кубак цэнтральнага рэгіёну, ўшаноўвалі ў Капыльскім райвыканкаме. Залатыя медалі і Кубак уручалі гульцам і іх прадстаўніку Анатолю Лазоўскаму старшыня Капыльскага райвыканкама Сяргей Пілішчык, старшыня Федэрацыі футбола Мінскай вобласці Алег Чыкун і яго намеснік Юрый Майстраў. Таксама быў уручаны кубак лепшага гульца – Міхаілу Караткевічу.
Сяргей Пiлiшчык і Алег Чыкун ўручаюць медаль гульцу «Будаўніка» Паўлу Лазоўскі
У віншавальнай прамове Сяргей Пiлiшчык адзначыў, што перамога «Будаўніка» - гэта знакавая падзея для раёна. Паводле яго слоў, было вельмі прыемна чуць аб пераможных гульнях.
– Футбол - гэта гульня мільёнаў. Дзякуючы вашым перамогам, у раёне стане яшчэ больш прыхільнікаў гэтага віду спорту, - сказаў Сяргей Міхайлавіч. - У сілу фінансавых магчымасцяў мы пастараемся палепшыць матэрыяльную базу каманды, каб яна здзіўляла нас новымі дасягненнямі.
Алег Чыкун у сваёй прамове нагадаў, што ў «Будаўніка» ў гэтым годзе залаты дубль - каманда стала яшчэ і ўладальнікам Кубка Мінскай вобласці:
- Калі ідзе вельмі цяжкая барацьба за чэмпіёнства, другое і трэцяе месца - дарагога варта. Але вы выразна даказалі, што з'яўляецеся самымі моцнымі футбалістамі ў вобласці, - адзначыў Алег Вікенцьевіч.
Перад прысутнымі выступіў намеснік дырэктара абласнога вучэбна-метадычнага цэнтра фізічнага выхавання насельніцтва Віктар Васілеўскі, падкрэсліўшы, што дзякуючы такім прыгожым матчам, якія праходзяць з удзелам «Будаўніка», бацькі яшчэ больш змогуць аддаваць сваіх дзяцей у футбольныя секцыі. Гэта вялікі ўклад у прапаганду здаровага ладу жыцця сярод насельніцтва.
У рамках сустрэчы Віктар Васільевіч, Алег Чыкун разам з начальнікам упраўлення адукацыі, спорту і турызму Ірынай Абас ўручылі падарункі і некаторым ветэранам футболу – былым гульцам зборнай Капыльскага раёна. Удастоіліся прыемных узнагарод Уладзімір Бурак, Міхаіл Ермашэвіч, Аляксандр Семяновіч і Аляксандр Міхайлоўскі.
Пасля афіцыйнай часткі адбылася гутарка гульцоў каманды з кіраўнікамі. У прыватнасці, тэма тычылася паляпшэння футбольнага поля на тэрыторыі Капыльскага фізкультурна-аздараўленчага цэнтра, а таксама падачы заяўкі на другую лігу Беларусі. Было абяцана бліжэй да наступнага сезона разабрацца з гэтымі пытаннямі.
Павэль ШЭІН
«СП» http://www.kopyl.by