Удзел у мерапрыемстве прынялі начальнік упраўлення дзяржаўнай сацыяльнай падтрымкі і сацыяльнага абслугоўвання камітэта па працы, занятасці і сацыяльнай абароне Мінаблвыканкама Людміла Вашчыла, намеснік старшыні Капыльскага райвыканкама Аляксандр Дубіна і начальнік упраўлення адукацыі, спорту і турызму райвыканкама Ірына Абас.
Яны пажадалі дзецям цудаў, выканання самых запаветных жаданняў, а таксама здароўя, поспеху і цудоўнага настрою.
Сваімі запальнымі песнямі падчас афіцыйнай часткі ранішніка прысутных таксама павіншавалі выхаванцы ўзорнай студыі эстраднага вакалу «Кліо».
Затым святочны настрой перанёсся ў танцавальную залу. У навагоднюю казку запрасілі дзетак артысты раённага цэнтра культуры. Тэатралізаванае прадстаўленне з удзелам Дзеда Мароза, Снягуркі, чароўных ялінак і герояў прадстаўлення ператварыла хлапчукоў і дзяўчынак у актыўных удзельнікаў вясёлых забавак. Дзеткі гулялі, танцавалі, спявалі і вадзілі карагоды вакол прыбранай елкі.
Чароўная атмасфера прыйшлася па душы ўсім прысутным. Пра гэта казалі асляпляльныя ўсмешкі на тварах дзетак, быў чутны смех: забіяцкі і радасны, а значыць свята атрымаўся. І кожны маленькі госць забраў з сабой не толькі салодкі падарунак, але і навагодні настрой.
Таццяна БОХАН
«СП» http://www.kopyl.by
