Пераможцы алімпіяд і навукова-практычных канферэнцый, творчых конкурсаў і спартыўных спаборніцтваў прымалі ў гэты дзень шчырыя віншаванні ад старшыні райвыканкама Сяргея Пiлiшчыка, яго намесніка Аляксандра Дубіны, начальніка ўпраўлення адукацыі, спорту і турызму райвыканкама Ірыны Абас.
Першымі на сцэну за падарункамі і грашовымі прэміямі падымаліся пераможцы абласнога этапу алімпіяды па вучэбных прадметах 2019 года: па інфарматыцы – навучэнка СШ № 2 г.Капыля Паліна Танко, па геаграфіі – гімназісты Кірыл Ванагель, Ягор Аляксандровіч, Міхаіл Шэмеціла і Надзея Гардзей, па беларускай мове і літаратуры — гэтай жа навучальная ўстановы адукацыі Ганна Матусевіч, па хіміі – вучань СШ № 2 г. Капыля Аляксей Мельнікаў. Затым узнагароды атрымлівалі пераможцы абласнога этапу ХХІІ конкурсу работ даследчага характару ўстаноў адукацыі Мінскай вобласці - навучэнец гімназіі № 1 г. Капыля Максім Кандрацьеў, вучаніца Бучацінскага КПК д/с-СШ Паліна Казак і Мікалай Хартановіч з Цімкавіцкай СШ.
Былі ўзнагароджаны таксама пераможцы абласных этапаў рэспубліканскіх конкурсаў: «Энергамарафон-2018» - гімназіст Башар Абас і «Я - даследчык» - Дар'я Цішчанка з СШ № 3 г. Капыля.
Віншаванняў былі ўдастоены і юныя спартсмены: удзельніца рэспубліканскіх спаборніцтваў сярод юнакоў і дзяўчат па біятлоне «Кубак Беларускай федэрацыі біятлона» ў складзе зборнай каманды Мінскай вобласці, пераможца спартакіяды ДЮСШ Рэспублікі Беларусь навучэнка СШ № 3 г. Капыля Кацярына Анішчанка і пераможца ў Алімпійскіх днях моладзі Мінскай вобласці па біятлоне, удзельнік і прызёр спартакіяды ДЮСШ Рэспублікі Беларусь па біятлоне і летнім біятлоне вучаніца СШ № 2 г. Капыля Мілана Драніч.
Выхаванцы Цэнтра творчасці дзяцей і моладзі - пераможцы конкурсаў - таксама былі ўдастоены ўзнагарод. Гэта Вадзім Тарасевіч, Вадзім Аніфер, Елісей Карнейчык, Мікіта Дзенісевіч, Дар'я Калодзіч, Ксенія Панасік, Лілія Паграбіцкая, Вікторыя Жогаль, Вікторыя Трухан, Анастасія Бачко і Дар'я Калодзіч.
У знак асаблівай павагі і на памяць аб сустрэчы Сяргею Пілішчыку таксама паднеслі навагодні падарунак ад навучэнцаў і педагогаў Капыльшчыны.
Дзіяна ТКАЧЭНКА
«СП» http://www.kopyl.by
