У абедзенны час аддзел «Кулінарыя» крамы «Зімовая вішня» стаў своеасаблівым штабам, дзе размясціліся прадстаўнікі адказных за правядзенне акцыі службаў: загадчыца паліклінікай Капыльскай ЦРБ Ларыса Пацейковіч, урач-валеолаг Капыльскага райЦГЭ Таццяна Громава, старшыня раённай арганізацыі Беларускага таварыства Чырвонага Крыжа Ніна Жук і памочнік урача ЦРБ Вячаслаў Матусевіч. Кожны, хто адчуваў неабходнасць, мог даведацца галоўныя паказчыкі свайго здароўя. Вымераўшы ціск ці ўзровень глюкозы ў крыві, Вячаслаў Матусевіч тлумачыў іх значэнне, даваў неабходныя рэкамендацыі. Добрай інфармацыйнай дапамогай сталі брашуры і буклеты, якія раздавалі Таццяна Громава і Ніна Жук. А пытанні, якія ўзнікалі па медыцынскім абслугоўванні, гараджане задавалі Ларысе Пацяковіч.
Дыяна Ткачэнка «СП» http://www.kopyl.by
