Як паведамілі ў АДАІ Капыльскага РАУС, падчас акцыі варты дарог праводзяць шырокую інфармацыйна-тлумачальную працу ў працоўных калектывах, арганізацыях, аўташколах аб праблеме траўматызму малалетніх пасажыраў, правілах выкарыстання дзіцячых утрымлівальных прылад.
Таксама ў перыяд акцыі супрацоўнікамі Дзяржаўтаінспекцыі сумесна з падраздзяленнямі міліцыі грамадскай бяспекі ва ўзмоцненым рэжыме арганізаваны кантроль па выкананні кіроўцамі бяспечнай перавозкі непаўналетніх пасажыраў. Парушальнікі будуць прыцягнуты да строгіх мер адміністрацыйнага ўздзеяння ў адпаведнасці з дзеючым заканадаўствам Рэспублікі Беларусь.
ДАІ нагадвае, што за парушэнне правілаў перавозкі дзяцей у адпаведнасці з ч. 5 арт. 18.14 КаАП Рэспублікі Беларусь у дачыненні да вадзіцеля накладаецца адміністрацыйнае спагнанне ў выглядзе папярэджання або штрафу ў памеры да 4 БВ.
Паважаныя кіроўцы! Ад сітуацыі, якая раптам можа паўстаць, на дарозе не застрахаваны ніхто. Паклапаціцеся пра сваіх маленькіх пасажырах загадзя!
Падрыхтаваў Павел Шэін
«СП» http://www.kopyl.by
