Дэпутату парламента скардзіліся на немагчымасць трапіць да ўрача вузкай спецыяльнасці ў Капыльскай цэнтральнай раённай бальніцы, на працу рэгістратуры гэтай установы. Таксама вяскоўцаў хвалююць праблемы з перападамі напружання лініі электраперадачы і вадаправодам па вул. Школьнай у Вялікай Раёўцы і іншыя.
Людміла Ніжэвіч (справа) падчас прыёму
Аднак былі і паўторныя пытанні. Напрыклад, шматдзетная сям'я з аграгарадка Цімкавічы, якая звярталася раней падчас аднаго з прыёмаў, прасіла вырашыць іх праблему з будаўніцтвам жылля. Дэпутат з гэтым пытаннем прайшла праз многія інстанцыі, аднак на месцы ён канчаткова не вырашаны.
Адзін з заяўнікаў прасіў аказаць садзейнічанне ў паляпшэнні працы сувязі аднаго з мабільных аператараў у в. Якубовічы, дзе знаходзіцца яго дача. Пасля некалькіх зваротаў у вышэйстаячыя структуры праблемы знікалі на пару дзён, аднак потым зноў з'яўляліся.
Людміла Ніжэвіч рашэнне гэтых пытанняў ўзяла на кантроль.
Сяргей Козел
«СП» http://www.kopyl.by
