Такога звання ўдастоіліся 25 дзяцей з цэнтральнага рэгіёна. Сярод іх - навучэнец Слабадакучынскай сярэдняй школы Кірыл Кандыбовіч.
Фіналістаў абласнога конкурсу вызначылі ў пяці намінацыях, адна з якіх - «Спартыўная дзейнасць», у ёй адзначылі нашага земляка. І выбар гэты невыпадковы. Кірыл з'яўляецца капітанам каманды Мінскай вобласці па біятлоне, сярэбраным прызёрам рэспубліканскіх спаборніцтваў сярод дзяцей і падлеткаў па біятлоне «Снежны снайпер» на прызы Прэзідэнцкага спартыўнага клуба. Адзначым, што яшчэ ў снежні Кірыл прыняў удзел у навагоднім Венскім балі, які адбыўся ў Зале ўрачыстых цырымоній Палаца Незалежнасці.
Узначальвае шэсце каманды Мінскай вобласці Кірыл Кандыбовіч. «Снежны снайпер», 2019 г.
Трэба сказаць, што ў лік узнагароджаных увайшлі дзеці, якія вызначыліся ў вучобе, творчай, спартыўнай і грамадскай дзейнасці. Гэта пераможцы рэспубліканскіх, міжнародных алімпіяд, канферэнцый, конкурсаў, лідары дзіцячых і маладзёжных грамадскіх аб'яднанняў, вучнёўскага самакіравання, валанцёры. Узнагароды лепшым вучням Міншчыны ва ўрачыстай абстаноўцы уручала начальнік галоўнага ўпраўлення па адукацыі Мінскага аблвыканкама Таццяна Апраніч.
Павел Шэін
«СП» http://www.kopyl.by
