У неспрыяльных пагодных умовах і пры высокай інтэнсіўнасці руху, асабліва ў прадвыхадныя і выхадныя дні, любая памылка, няхай гэта будзе парушэнне правілаў абгону ці хуткаснага рэжыму, невыкананне бяспечнай дыстанцыі да наперадзе ідучага аўтатранспарту, немінуча прыводзіць да няшчасных выпадкаў на дарозе.
Многія пешаходы не хочуць разумець, што кіроўца не ў сілах імгненна спыніць свой аўтамабіль, каб пазбегнуць наезду. У цёмны час сутак пешаходы становяцца найбольш уразлівымі. Кіроўцам варта быць вельмі засяроджанымі пры праездзе па слаба асветленых або неасветленых участках дарог паблізу населеных пунктаў. Менавіта там найбольш высокая верагоднасць з'яўлення на праезнай частцы пешаходаў. Кіроўца павінен быць гатовы да любых нечаканасцяў з боку пешаходаў - хаджэнне па дарогах у стане алкагольнага ап'янення, а таксама пераход праезнай часткі ў неўстаноўленым месцы.
Пазбегнуць аварый вельмі складана, але прадухіліць магчыма, калі ўдзельнікі дарожнага руху будуць праяўляць адзін да аднаго павышаную ўвагу і павагу. Выконваючы правілы дарожнага руху, вы будзеце з'яўляцца станоўчым прыкладам для іншых. Хай для кожнага з нас у новым годзе будзе дарога добрай і бяспечнай!
Максім Паўлюшчык,
інспектар ДПС АДАІ Капыльскага РАУС