- Правядзенне дадзенага конкурсу - гэта адзін са спосабаў прапаганды спорту як важнага сродку ўмацавання здароўя дзяцей і моладзі, далучэння іх да здаровага ладу жыцця, прафілактыкі правапарушэнняў, – кажа намеснік дырэктара Цэнтра творчасці дзяцей і моладзі Капыльскага раёна Таццяна Бурак. - На суд журы свае працы на зададзеную тэматыку падрыхтавалі юныя мастакі Капыльшчыны. Ва ўзроставай групе 1-3 класы малюнкі прадставілі 702 чалавекі, а ва ўзроставай групе сярод навучэнцаў 4-6 класаў – 610. Для ўдзелу ў абласным этапе журы трэба было выбраць па пяць лепшых работ у кожнай узроставай групе. У выніку сярод малодшых школьнікаў пераможцамі сталі: трэцякласнікі - Данііл Пікулік з СШ № 2 г. Капыля імя Т. Гартнага, Мілана Мікалаеўская з Лясноўскай СШ і Дар'я Лапатко з Камсамольскага КПК д/с-СШ, а таксама вучні другіх класаў: з Мажскага КПК д/с-НШ Паліна Байчык і з Быстрыцкай СШ Павел Сямашка. Сярод удзельнікаў больш старэйшага ўзросту лепш за іншых былі наступныя хлопцы. Гэта вучаніца 4 класа гімназіі № 1 г. Капыля імя Н. В. Рамашка Марыя Пласкавіцкая, пяцікласніца з Пацейкаўскай СШ Анастасія Усовіч і навучэнцы шостых класаў: Лізавета Дзегцярова са Старыцкай СШ, Ганна Краўцова з Дактаровіцкай СШ і Паліна Лагута з СШ № 3 г. Капыля.
Дзіяна Ткачэнка