Кіраванне транспартам у стане алкагольнага ап'янення адно з самых сур'ёзных парушэнняў правілаў дарожнага руху. Статыстыка сведчыць, што 5-10% ДТЗ, якія здзяйсняюцца па віне кіроўцаў, звязана менавіта з гэтым правапарушэннем. Цяжар наступстваў такіх дарожна-транспартных здарэнняў значна вышэй па параўнанні з астатнімі аварыямі. У 2019 годзе на тэрыторыі Капыльскага раёна адбылося 20 ДТЗ, у якіх 3 чалавекі загінула, 23 атрымалі раненні. Кіроўцамі якія знаходзяцца ў стане алкагольнага ап'янення здзейснена 4 ДТЗ, асобамі якія не маюць пасведчання кіроўцы здзейснена 2 ДТЗ. Па віне пешаходаў і веласіпедыстаў здзейснена 3 ДТЗ, у якіх 3 чалавекі атрымалі цялесныя пашкоджанні.
Усяго з пачатку года на тэрыторыі Капыльскага раёна зарэгістравана 2 ДТЗ, у якім 3 чалавекі пацярпелі, у тым ліку 1 ДТЗ з удзелам веласіпедыста.
Паважаныя грамадзяне! Аб фактах знаходжання на праезнай частцы дарогі уразлівых удзельнікаў дарожнага руху, якія ствараюць сваімі дзеяннямі пагрозу бяспецы дарожнага руху, аб кіраванні транспартнымі сродкамі асобамі, якія знаходзяцца ў стане алкагольнага ап'янення, а таксама не маюць права кіравання, іншых абставінах, якія ствараюць рызыкі здзяйснення парушэнняў правілаў дарожнага руху і дарожна-транспартнага здарэння, паведаміце ў АДАІ і дзяжурную частку Капыльскага РАУС па тэлефоне 55444, 25267,55147 або па 102!
Уладзімір КАПЦЯЕЎ, старшы інспектар ДПС АДАІ Капыльскага РАУС, старшы лейтэнант міліцыі