Брыгадзір Ірына Байко (справа), аператары машыннага даення Майя Машэй і Марыя Нераненя
Па выніках 2019 года тут атрымана 8056 кг малака ад адной каровы, што на 2489 кг больш, чым летась. Па словах брыгадзіра вытворчай брыгады ў жывёлагадоўлі МТК «Гразавы» Ірыны Байко, комплекс быў уведзены ў эксплуатацыю больш за паўтары гады таму і ўжо дае прыкметныя вынікі.
Яго бясспрэчныя плюсы: мінімізавана ручная праца, аптымізавана колькасць работнікаў, зарплаты вышэй, вышэй змяшчальнасць пагалоўя і яго прадукцыйнасць. Новы малочнатаварны комплекс максімальна аптымізаваны і абсталяваны сучасным высокатэхналагічным абсталяваннем. Уключае дзве даільных залы, адна з якіх разлічана на адначасовую дойку 28 галоў, другая — на 12, у ім раздойваюць нецялей. У малочным блоку працуюць тры халадзільныя ўстаноўкі: дзве ёмістасцю па 7 тон, адна - крыху больш за 4,5 тоны. Ёсць абсяменьваючы пакой і пакой для ветэрынарных лекараў. Абсталяваны індывідуальныя вулічныя домікі для цялят і вялікі навес, дзе захоўваецца сена.
Уладкаваны бытавыя памяшканні для жывёлаводаў і добраўпарадкавана прылеглая да комплексу тэрыторыя.
Для буйной рагатай жывёлы распрацаваны і дзейнічае індывідуальны рацыён кармлення, які дазваляе павялічваць надоі.