Члены інфармацыйна-прапагандысцкіх груп выехалі ў працоўныя калектывы, дзе галоўнай тэмай размовы быў стан і перспектывы транспартнага комплексу Рэспублікі Беларусь.
Пытанні развіцця транспартнага комплексу краіны знаходзяцца ў пастаянным полі зроку прэзідэнта Рэспублікі Беларусь. Нават яго прызнанне «з даўніх часоў аўтамабілі - гэта маё хобі, я сачу за развіццём гэтай галіны» гаворыць пра многае. Размаўляючы з кіроўцамі напярэдадні II Еўрапейскіх гульняў, А. Р. Лукашэнка адзначыў, што «пара развіваць і вытворчасць электрамабіляў і больш выкарыстоўваць на дарогах грамадскі электратранспарт».
Транспартны комплекс рэспублікі мае выключна важнае значэнне ў жыццезабеспячэнні яе шматгаліновай эканомікі і рэалізацыі сацыяльнай палітыкі дзяржавы. «Дарога - гэта галоўнае. Ёсць дарога, ёсць эканоміка - ёсць жыццё», - падкрэсліў Прэзідэнт.
Праца транспартнага комплексу накіравана на вырашэнне бягучых і перспектыўных задач, пастаўленых Кіраўніком дзяржавы і ўрадам.
«Наяўнасць развітой транспартнай інфраструктуры - вельмі важны элемент раўнамернага развіцця рэгіёнаў Беларусі» – адзначыў Кіраўнік дзяржавы. Больш за тое, яе развіццё вядзецца не толькі ў інтарэсах Беларусі, але адыгрывае вялікую ролю ў міжнародным плане: «Мы разумеем, што для Еўропы, Расіі, Кітая гэта тысячакіламетровае акно праз Беларусь вельмі важна. І тое, што мы сёння тут з вамі робім, - гэта не толькі для Беларусі, гэта для ўсяго свету найважнейшыя артэрыі».
Асноўныя намаганні канцэнтруюцца на ўдасканаленні ўмоў функцыянавання транспарту, развіцці яго інфраструктуры, забеспячэнні мэт устойлівага развіцця рэспублікі і выкананні мэтавых паказчыкаў эфектыўнасці. Для гэтага рэалізуюцца меры, прадугледжаныя дзяржаўнымі праграмамі і адпаведнымі планамі мерапрыемстваў.
Марыя Шэіна
