14 лютага 2020 года ў Слуцку прайшло пашыранае пасяджэнне Мінскага абласнога савета па развіцці прадпрымальніцтва і галоўнага ўпраўлення па адукацыі Мінскага абласнога выканаўчага камітэта. Маштабнае мерапрыемства дало старт ўнікальнаму абласному праекту «Прадпрымальніцкая ініцыятыва, фінансавая граматнасць, сучасная адукацыя: новыя драйверы эканомікі», накіраванаму на развіццё ў вучняў сталічнага рэгіёну асноў фінансавай граматнасці і прадпрымальніцкай дзейнасці.
Упрыгожыў дадзенае мерапрыемства кірмаш вучнёўскіх бізнес-кампаній, стартапаў, удзел у якіх прынялі больш за 20 каманд. Установа адукацыі «Капыльскі дзяржаўны каледж» прадставіла на суд інвестараў і экспертаў два гуманітарныя праекты. Так, «Шматпрофільны цэнтр крокавай даступнасці «MODERN» абараняў аўтарскі калектыў на чале з кіраўніком праекта выкладчыкам Юліяй Мікалаеўнай Мяцельскай і навучэнскай каледжа Аляксандрай Гліністай. Вялікую цікавасць ва ўдзельнікаў пасяджэння выклікала і «Аграэкасядзіба «Мядовая заiмка»: кіраўнік, загадчык аддзялення Марына Віктараўна Давідоўская, а таксама навучэнцы — Міхаіл Карагодаў і Яніна Занько. За ўдзел у рабоце пашыранага пасяджэння калектывы атрымалі Падзячныя лісты ад галоўнага ўпраўлення па адукацыі Мінскага аблвыканкама, а хлопцам таксама былі ўручаны сертыфікаты на навучанне ў абласны бізнес-школе. Галоўным прызам сталі інвестыцыйныя сертыфікаты на падтрымку і развіццё двух гуманітарных праектаў ад камітэта эканомікі Мінаблвыканкама.
Дарэчы, па выніках кірмашу бізнес-кампаній, стартапаў і праектаў прыз глядацкіх сімпатый і кубак таксама атрымала вучнёўская бізнес-кампанія «Сузор'е ідэй» ДУА «Грозаўскі КПК дзіцячы сад-сярэдняя школа» Капыльскага раёна.
Таццяна БОХАН
