Юныя футбалісты, навучэнцы Капыльскай СДЮШАР, атрымалі мячы ад Мінскага абласнога ўпраўлення МНС і Капыльскага райвыканкама. Гэта быў своеасаблівы падарунак не толькі да Дня абаронцаў Айчыны, але і ў рамках акцыі «29 добрых спраў», якая праходзіць на Міншчыне.
А перад гэтым у спартыўнай зале Капыльскага раённага фізкультурна-аздараўленчага цэнтра адбылася сяброўская сустрэча па міні-футболе. За права называцца пераможцам турніру пазмагаліся тры каманды - Капыльскага райвыканкама, упраўлення камітэта дзяржаўнай бяспекі па г. Мінску і Мінскай вобласці і пажарнага аварыйна-выратавальнага атрада ўстановы «Мінскае абласное ўпраўленне МНС».
Паміж удзельнікамі турніру разыгралася сапраўдная барацьба за тое, каб размеркаваць ганаровыя прызавыя месцы. Футбалісты не баяліся атрымання магчымых траўм, аддавалі ўсе сілы, энтузіязм і энергію падчас гульняў. Спартсмены-аматары ўпэўнены: поспех - у згуртаванасці каманды, гэта дае вялікія шанцы на перамогу.
Праз некалькі гадзін упартай футбольнай бітвы турнір знайшоў сваіх пераможцаў: гэтым разам каманда райвыканкама стала лепшай. Другое месца засталося за камандай Упраўлення КДБ, на трэцяй прыступцы п'едэстала - абласныя ратавальнікі. Дыпломы ўручаў старшыня Капыльскага райвыканкама Сяргей Пілішчык, які, дарэчы, быў адным з гледачоў падчас футбольных баталій у спартыўнай зале ФАЦа.
Павел Шэін
