Званне «Народны майстар Беларусі» прысвоена дырэктару раённага цэнтра ткацтва Таццяне Волкавай.
Народны майстар Беларусі Таццяна Волкава і ўдзельнікі абласнога семінара
Атрыманыя Дыпломы за 1-е месца:
- ў абласным конкурсе выяўленчага мастацтва «Свет маімі вачыма» для дзяцей-сірот і дзяцей з абмежаванымі магчымасцямі;
- на рэспубліканскім фестывалі-кірмашы народных мастацкіх рамёстваў «Вясновы букет»;
- у конкурсе «Рок-сонг лайф».
У I Міжнародным фестывалі-конкурсе эстраднай і джазавай музыкі «Брэнд-нью Джаз 2019» ўзорны эстрадны аркестр ДШМ узнагароджаны Дыпломам III ступені.
У абласным конкурсе харавых калектываў дзіцячых школ мастацтваў малодшы хор Капыльскай ДШМ узнагароджаны Дыпломам за яркае сцэнічнае ўвасабленне народнай песні.
Былі атрыманы Дыпломы, граматы, каштоўныя падарункі за ўдзел у многіх абласных, рэспубліканскіх мерапрыемствах.
Капыльская гарадская добраахвотная дружына прызнана пераможцам абласнога агляду-конкурсу на лепшую добраахвотную дружыну.
Аб асноўных напрамках дзейнасці аддзела ідэалагічнай работы, культуры і па справах моладзі райвыканкама у 2019 годзе распавядае яго начальнік Ларыса Юхо:
- На Капыльшчыне існуе выразна выбудаваная ідэалагічная вертыкаль, укамплектаваная кваліфікаванымі кадрамі на ўсіх узроўнях. Гэта дазволіла выканаць пастаўленыя перад аддзелам ідэалагічнай работы, культуры і па справах моладзі задачы на добрым узроўні.
Прайшлі мерапрыемствы, прысвечаныя падрыхтоўцы і правядзенні выбараў дэпутатаў Палаты прадстаўнікоў Нацыянальнага сходу Рэспублікі Беларусь, святкавання Дня Перамогі, 75-й гадавіны вызвалення Рэспублікі Беларусь ад нямецка-фашысцкіх захопнікаў і Дня Незалежнасці Рэспублікі Беларусь і іншых знамянальных дат. На працягу ўсяго года ажыццяўлялася ідэалагічнае забеспячэнне сельскагаспадарчых кампаній.
Вялікая ўвага надавалася рэалізацыі дзяржаўнай маладзёжнай палітыкі па розных напрамках дзейнасці - экалагічнае і духоўна-маральнае выхаванне моладзі, прапаганда здаровага ладу жыцця, фарміраванне ў моладзі пазітыўнага стаўлення да традыцыйных сямейных каштоўнасцяў, адказнага бацькоўства, каштоўнасных адносін да здароўя, прафілактыцы негатыўных з'яў у маладзёжным асяроддзі.
Лічу, што адным з найважнейшых напрамкаў нашай працы з'яўляецца развіццё культуры ў сельскай мясцовасці. На базе РЦК працуе аўтаклуб для абслугоўвання маланаселеных і аддаленых вёсак. За 2019 год аўтаклубам было арганізавана і праведзена 56 выездаў, з іх 25 канцэртаў і міні-канцэртаў. Да розных формаў аматарскай творчасці прыцягнуты 963 дарослых і дзяцей, якія з'яўляюцца ўдзельнікамі 110 клубных фарміраванняў.
Адным з кірункаў дзейнасці галіны культуры з'яўляецца ахова гісторыка-культурнай спадчыны. Трэба адзначыць, што ў гэтым вялікая заслуга работнікаў раённага краязнаўчага музея. Дарэчы, у 2019 годзе яго фонды папоўніліся 380 музейнымі прадметамі асноўнага фонду, 14 - фонды навукова-дапаможных матэрыялаў.
Праведзена на 100% камп'ютэрызацыя бібліятэк з арганізацыяй электроннай пошты і падключэннем да сеткі інтэрнэт, на базе пяці бібліятэк створаны публічныя цэнтры прававой інфармацыі. У 2019 годзе працуе новае праграмнае забеспячэнне ALISWeb (аўтаматызаваная бібліятэчная сістэма) для стварэння зводнага электроннага каталога бібліятэк Беларусі.
Маргарыта Саковіч
