Прафілактычную гутарку ва ўстанове культуры «Капыльская раённая Цэнтральная бібліятэка імя Анатоля Астрэйкі» правёў начальнік Капыльскага РАНС Віталь Ільючык. Прычыны ўзнікнення і прыкладная мадэль паводзінаў у момант пажару дэманстравалася ў прапанаваным сцэнары тэатралізаванага прадстаўлення «Сіла вогненнай улады».
Па словах Віталя Ільючыка, чатыры пажары, два чалавекі, на жаль, загінула - такая сумная статыстыка ў раёне з пачатку года. Прычым паводле праведзенага аналізу за апошнія сем гадоў у якасці прычыны ўсіх загінулых у раёне разглядаецца неасцярожнасць пры абыходжанні з агнём у стане алкагольнага ап'янення. Частымі прычынамі пажараў таксама з'яўляюцца няспраўнае пячное абсталяванне і парушэнне правілаў эксплуатацыі электраабсталявання.
- Значная роля ў папярэджанні надзвычайных сітуацый, у тым ліку і пажараў у жыллёвым фондзе, належыць камісіям па забеспячэнні бяспечных умоў пражывання грамадзян - назіральным камісіям — адзначыў Віталь Валянцінавіч. - І як прыемна, што ў складзе «назіральных» ёсць бібліятэчныя работнікі. Вялікі дзякуй Вам за працу, за каардынацыю намаганняў бяспечных умоў пражывання грамадзян на першасным узроўні.
Больш падрабязна Віталь Ільючык спыніўся і на мабільным дадатку «МНС Беларусі: дапамога побач», якая дапамагае карыстальнікам смартфонаў і планшэтаў мець пад рукой інфармацыю, як дзейнічаць у любой няштатнай сітуацыі.
Не засталіся ў баку ад Адзінага дня бяспекі і прадстаўнікі Капыльскага РК ГА «БРСМ»: сябры маладзёжнага атрада аховы правапарадку «Шанец» сумесна з інспектарам па прапагандзе Капыльскага РАНС правялі рэйд, падчас якога мінакам раздавалі ўлёткі па прафілактыцы бяспекі жыццядзейнасці.
Таццяна БОХАН
«СП» http://www.kopyl.by
