Узнагароды былі ўручаны падчас свята, якое было арганізавана Мінскай абласной арганізацыяй ГА «Беларускі саюз жанчын» і прайшло 5 сакавіка ў Маладзечне.
Гэта была ўрачыстая цырымонія ўзнагароджання пераможцаў абласнога конкурсу «Жанчына года Міншчыны-2019».
У фінал конкурсу выйшлі чатыры прадстаўніцы Капыльскага раёна. Усе яны дасягнулі значных поспехаў у розных сферах дзейнасці на працягу мінулага года і з'яўляюцца актывісткамі жаночага руху.
Так, заслужаныя ўзнагароды атрымалі Алена Вострыкава, старшыня Цімкавіцкага сельскага выканаўчага камітэта, якая перамагла ў намінацыі «Духоўнасць і культура», Вольга Купрыенка, старшыня Капыльскага сельскага выканаўчага камітэта, – намінацыя «Гаспадыня вёскі», Наталля Дземідчык, загадчыца ДУА «Яслі-сад № 6 г.Капыля», – намінацыя «Паспяховы кіраўнік», Марына Гайдэль, урач-псіхіятр-нарколаг Капыльскай ЦРБ, – намінацыя «Актыўная жыццёвая пазіцыя».
Дыплом пераможцы Алене Вострыкавай уручае Рыгор Сарока
У святочным мерапрыемстве прыняла ўдзел старшыня Капыльскай раённай арганізацыі «Беларускі саюз жанчын» дырэктар ДУ «Капыльскі ТЦСАН» Святлана Маліноўская.
Старшыня Мінскай абласной арганізацыі БСЖ Святлана Сарока (у цэнтры) з прадстаўнікамі Капыльскага раёна
Падчас урачыстага мерапрыемства таксама адбылося ўшанаванне жанчын-лідэраў, ветэранаў жаночага руху, ўручэнне спецыяльных прэмій «Грамадскае прызнанне-2019».
У холах Палаца культуры працавалі інтэрактыўныя пляцоўкі: «Партрэт сучасніцы: жанчына Міншчыны сёння» (выстава-прэзентацыя матэрыялаў удзельнікаў абласнога конкурсу «Сучасніца Міншчыны» сярод СМІ Мінскай вобласці), дзе былі прадстаўлены і конкурсныя матэрыялы раённай газеты «Слава працы». З цікавасцю ўдзельнікі свята знаёміліся з прэзентацыямі альбомаў «Жанчыны года Міншчыны», «Медыйны рэсурс у стварэнні вобраза сучаснай жанчыны» (матэрыялы друкаваных выданняў), «Жанчына ў сучасным грамадстве» (адкрыты мікрафон), «Натхненне» (майстар-класы, фотазоны, інсталяцыі, выставы-прэзентацыі) і інш.
Дадаткам да ўрачыстасці стаў святочны канцэрт «Прысвячэнне жанчыне» заслужанага калектыву Рэспублікі Беларусь сімфанічнага аркестра Маладзечанскага музычнага каледжа імя М.-К. Агінскага.
Скончылася свята ўрачыстай сустрэчай «Дыялог пакаленняў».
Маргарыта Саковіч
