Сярэбраны прызёр Арцём Холад
І ўсё гэта дзякуючы зладжанай рабоце адміністрацыі ДЮСШ і трэнерскага-выкладчыцкага складу ўстановы.
У спартакіядзе прынялі ўдзел дзевяць спартсменаў-навучэнцаў установы «ДЮСШ Капыльскай РПА БПС работнікаў АПК».
Нягледзячы на найцяжэйшыя ўмовы надвор'я, падапечныя Таццяны Валер'еўны Грынкевіч і Дзмітрыя Міхайлавіча Було змагаліся да апошняга. У дзесятцы лепшых адзначыліся Аляксей Захарченя, Ілля Матусевіч.
– Асабліва хочацца адзначыць выхаванца нашай спартыўнай школы Арцёма Холада, які зараз займаецца ў УА «Плешчаніцкая дзяржаўная абласная сярэдняя школа-вучылішча алімпійскага рэзерву», – падкрэслівае намеснік дырэктара ДЮСШ Наталля Шатыка. - Для яго гэтыя спаборніцтвы былі вельмі выніковымі - трэцяе месца ў індывідуальнай гонцы на 10 км каньковым ходам, другое месца ў спрынце на 1,3 км каньковым ходам і перамога ў індывідуальнай гонцы на 10 км класічным ходам.
Дарэчы, у Гарадку таксама прайшлі Алімпійскія дні моладзі Рэспублікі Беларусь па лыжных гонках. У складзе каманды Мінскай вобласці былі і выхаванцы ДЮСШ Капыльскай РПА БПС работнікаў АПК Ілля Матусевіч і Арцём Холад. У выніку Ілля стаў бронзавым прызёрам у індывідуальным спрынце на 1,3 км каньковым стылем.
Таццяна БОХАН
