Спаборніцтвы прайшлі ў мэтах актывізацыі спартыўна-масавай работы ў працоўных калектывах, выяўлення перспектыўных гульцоў для камплектавання раённай каманды.
На працягу двух дзён у Капыльскім фізкультурна-аздараўленчым цэнтры сем зборных па валейболе змагаліся за званне лепшых. Гульні паміж камандамі праводзіліся да двух выйграных партый адной з каманд. Працягласць партыі да 25 ачкоў. Спартыўны азарт валейбалістаў зараджаў усіх сваёй энергіяй. У выніку пераможцамі сталі валейбалісты ААТ «Прагрэс 2010». На другім месцы каманда «Газавік» (Капыльскі раён газазабеспячэння), на трэцім – ААТ «Прэснакi».
Варта адзначыць, што ў гэты дзень прайграўшых не было. І ўдзельнікі спаборніцтваў, і балельшчыкі атрымалі зарад бадзёрасці, здароўя і цудоўнага настрою.
Таццяна БОХАН
