Як ажыццяўляецца назіранне і тэрапія? Ці ўсяго хапае для аказання дапамогі? Гэтыя пытанні цікавяць сёння насельніцтва Капыльшчыны.
Медыкі раёна праводзяць усе неабходныя мерапрыемствы, прадугледжаныя пратаколамі і алгарытмамі Міністэрства аховы здароўя.
Пры падазрэнні на магчымыя кантакты з носьбітамі віруса пацыентам робяць экспрэс-тэсты на месцы альбо паўнавартаснае даследаванне ў медыцынскіх установах. Каб раўнамерна размеркаваць нагрузку на медперсанал, задзейнічаны бальніцы іншых раёнаў або абласныя медустановы.
Чаму вынікі аналізу прыходзяць нераўнамерна?
Кожны чалавек, які здаў тэст, атрымае ці ўжо атрымаў вынік. Пры гэтым пробы біялагічнай асяроддзя (мазкі) могуць накіроўвацца ў розныя медыцынскія ўстановы. Такая методыка заклікана скараціць час на апрацоўку вялікай колькасці аналізаў і максімальна аператыўна інфармаваць людзей. Менавіта па гэтых прычынах вынікi тэсту, праведзенага для групы асоб, пацыенты могуць пазнаваць у розны час.
Што рабіць, калі мяне перавялі ў рэжым каранціну?
Некаторыя жыхары Капыльскага раёна пераведзены ў рэжым каранціну на базе медыцынскіх устаноў. Пры гэтым створаныя медыкамі ўмовы дазваляюць выконваць паўнавартасны здаровы рэжым. У палатах прадугледжана трох-чатырохразовае харчаванне, аднамеснае знаходжанне.
Важна тое, што ў медустановах няма абмежавання на сувязь са знешнім светам. Пацыенты могуць свабодна размаўляць па мабільным тэлефоне, карыстацца інтэрнэт-мессенджерамi.
Як даведацца стан здароўя свайго сваяка, які знаходзіцца ў шпіталі?
Пра стан здароўя родных і блізкіх жыхары Капыльскага раёна могуць даведацца ў дзяжурнага медперсаналу па тэлефонах: 55-1-81 (тэрапеўтычнае аддзяленне), 55-2-91 (інфекцыйнае), 55-2-82 (педыятрычнае) , 54-8-32 (аддзяленне рэанімацыі).
У цэлым Капыльскі райвыканкам рэкамендуе жыхарам раёна выконваць правілы асабістай гігіены, абмежаваць наведванне месцаў масавага знаходжання грамадзян.
Як дапамагаюць пажылым і самотна пражываючым грамадзянам?
Работнікі Капыльскага тэрытарыяльнага цэнтра сацыяльнага абслугоўвання грамадзян могуць даставіць тавары паўсядзённага попыту, прадукты харчавання на дом. Таксама арганізавана дастаўка медыкаментаў, медыцынскіх масак, антысептыкаў. Людзі сталага ўзросту, адзінокія грамадзяне, інваліды і іншыя маючыя патрэбу могуць звярнуцца па дапамогу па нумары тэлефона 25-7-83.
Аптэчная сетка Мiнскія фармацыі поўнасцю забяспечана неабходным асартыментам медпрэпаратаў, сродкамі дэзінфекцыі і іншымі лекавымі сродкамі. Набыць гэтыя тавары жыхары Капыльскага раёна могуць у зручны для іх час: рэжым працы аптэк прадоўжаны да 21.00.
Як працуюць крамы і агульнахарч?
Каб прадухіліць навалу людзей, у Капыльскім раёне усталяваны рэжым працы на аб'ектах грамадскага харчавання. Таксама працуюць усе касы гандлёвых аб'ектаў для больш хуткага абслугоўвання насельніцтва.
Работнікі гандлю выконваюць санітарна-гігіенічны і супрацьэпідэмічны рэжым (аднаразовыя пальчаткі, маскі, дэзсродкi).
Таксама ў раёне прынятыя меры па абмежаванні правядзення масавых мерапрыемстваў, забаронена правядзенне спартыўных спаборніцтваў. Прыпынена правядзенне ўсіх адукацыйных і аздараўленчых мерапрыемстваў ва ўстановах адукацыі раёна (школы, школы-інтэрнаты, КПК).
Як арганізаваны вольны час дзяцей?
Мінскі абласны тэатр лялек «Батлейка» і Мінскі абласны драматычны тэатр сумесна з рэдакцыяй газеты «СБ. Беларусь сёння» арганізавалі інтэрнэт-трансляцыю спектакляў для дзяцей і дарослых.
З 2 па 4 красавіка ў рэжыме онлайн можна будзе паглядзець спектаклі тэатра. Трансляцыі будуць стартаваць у 12.00.
3 красавіка адбудзецца онлайн-трансляцыя спектакля «Канёк-гарбунок» для дзяцей ад 4 гадоў. Чароўная казка павядзе гледачоў у займальнае падарожжа. Дзяцей чакае меладычнае паэтычнае слова, яркія лялькі і незвычайныя дэкарацыі і, вядома, шчаслівы фінал гісторыі.
4 красавіка «Батлейка» пакажа спектакль «Чароўная дудка» для дзяцей ад 5 гадоў. Гэтая казка апавядае аб простым сялянскім сыне Янку, які здольны з поспехам пераадолець любыя перашкоды з дапамогай сваёй незвычайнай дудкі і народнай кемлівасці.
Трансляцыя пройдзе на сайце SB.BY, а таксама ў групах пад назвай «Беларусь сёння» у Аднакласніках, Вконтакте, Фэйсбуку.
Ці працуюць гарачыя лініі?
У раёне працуюць гарачыя тэлефонныя лініі па пытаннях прафілактыкі інфекцыі. Яны арганізаваны ў Капыльскім цэнтры гігіены і эпідэміялогіі і раённай бальніцы. Тэлефоны: 21-9-13, 21-8-34 (райЦГЭ), 55-2-91, 22-1-33 (ЦРБ).
У Капыльскім БРСМ функцыянуе гарачая тэлефонная лінія для інфармацыйнай дапамогі пажылым людзям. Яна працуе з панядзелка па суботу ўключна з 9.00 да 18.00. Тэлефон 54-1-25.
Ці праводзіцца дэзінфекцыя грамадскага транспарту ў раёне?
Уборка салонаў грамадскага транспарту ў раёне праводзіцца штодня з прымяненнем сродкаў дэзінфекцыі. Вадзіцелі забяспечаны сродкамі індывідуальнай абароны.
Усе ўстановы, арганізацыі і прадпрыемствы горада і раёна забяспечаны ў поўным аб'ёме дэзсрдкамi і працуюць у штатным рэжыме.
Штодня праводзяцца ўлік і аналіз захворвання насельніцтва раёна, а таксама ўсе планавыя мерапрыемствы, накіраваныя на захаванне ўсіх прафілактычных мер і падтрыманне стабільнай абстаноўкі.
