Некаторыя работнікі рэдакцыі падчас цырымоніі былі ўдастоеныя асаблівай гонару і атрымалі ад кіраўніцтва заслужаныя ўзнагароды. Так, Сяргей Пілішчык уручыў Ганаровую грамату Капыльскага райвыканкама адной з найстарэйшых супрацоўніц газеты, аператару электроннага набору і вёрсткі Людміле Кардаш. Падзякі старшыні атрымалі загадчык аддзела па асноўнай дзейнасці Таццяна Бохан і друкар Аляксандр Лукашэвіч.
Падчас імпрэзы слова ўзяла галоўны рэдактар Марыя Шэіна. Марыя Уладзіміраўна падзякавала гасцям за аказаную ўвагу, павіншавала калектыў раёнкі з святам, зачытала вітальны ліст ад міністра інфармацыі Рэспублікі Беларусь Аляксандра Карлюкевіча, а таксама ўручыла ўзнагароды. Ганаровай граматы рэдакцыі ўдастоіліся адказны сакратар Дзіяна Ткачэнка, бухгалтар Вольга Лосева і вадзіцель Валерый Лазоўскі. Падзяка рэдактара газеты была ўручана фальцоўшчыкам Галіне Апанасчык, Тамары Карпеленi, Іне Лазоўскай.
Валерый Лазоўскі і Людміла Кардаш
Дзіяна Ткачэнка і Вольга Лосева
З прывітальным словам звярнуўся да прысутных і старшыня Капыльскай раённай арганізацыі прафсаюза работнікаў культуры, інфармацыі, спорту і турызму Андрэй Лятчэня. Акрамя таго, ён уручыў старшыні прафкама рэдакцыі спецыялісту па рэкламе Святлане Апанасчык грамату Цэнтральнага камітэта Беларускага прафесійнага саюза работнікаў культуры, інфармацыі, спорту і турызму, а рэдактару інтэрнэт-рэсурсу Паўлу Шэіну — Ганаровую грамату Мінскай гарадской арганізацыі Беларускага прафесійнага саюза работнікаў культуры, інфармацыі, спорту і турызму.
Аксана Міхайлоўская