Алея з'явілася напярэдадні святкавання 75-годдзя Перамогі савецкага народа ў Вялікай Айчыннай вайне, ў Год малой радзімы дзякуючы намаганням калектываў дзяржаўнай установы адукацыі «Старыцкая сярэдняя школа» і Старыцкага доследна-вытворчага лясніцтва. Яны арганізавалі і правялі эколага-патрыятычную акцыю «Памятаем мінулае - клапоцімся пра будучыню!», прысвечаную Дню Перамогі. У пасадачных работах прынялі ўдзел 34 чалавекі.
Як паведамілі ва ўстанове адукацыі, арганізатары ставілі перад сабой мэты: фарміраваць у грамадзян каштоўнаснае стаўленне да навакольнага свету, павышаць іх экалагічную культуру, выхоўваць беражлівыя адносіны да прыроды, прымаць меры па навядзенні парадку на зямлі, захоўваць памяць аб загінуўшых земляках.
Маргарыта Саковіч
